كلمات : شيماء اليوسف أرمي حبال الأمل تسبق خطاوي النور ماعدش فاضل شجن ولا عدتش مكسور صاين حكايا الورد بكتب تاريخي جسور على أرضنا الصابره أتمايل فتشقشق الدمعه بشاير ما جايز ماماتش الحلم يصبحله الفجر ثاير وشوش منين ماتروح شايله كفوف الدار تعافر لأجل الطموح تزوقها تيجان النهار يا زين ما ربتي يا أمه بطنك ولادة أحرار ومعاكي تحلى الضمه تشبع جيعان الدار الضلع جنب الضلع ماهوش جاي ينهار وبكره أكيد هأكبر وابنيكي يا سكر أدق الببان وأسجد وفي ضل الفرج هأصبر ده علشانك أتبسم مهما الأيام تدور بسمة خجل عطشانه والرزق فيكي بحور
