تعقيب محمد عزت القاضي علي حادث مقتل احمد عاطف بالكويت

اعداد : خلف الله عطالله الانصاري
رصدت كاميرا جريدة العالم الحر آراء بعض المصريين  بالخارج تعقيبا علي مقتل الشاب المصري ” احمد عاطف ” والتقينا بالسيد ” محمد عزت القاضي ” مقيم بدولة الكويت ومنسق حملة تطالب السيد الرئيس بتعيين 3 نواب شباب وخصيصا فى الكويت والسعودية وقطر والذى يصل عدد الجاليه المقمية 2.5 مليون مصرى مما يترتب زيادة قضاياهم والمشاكل التى تواجههم .
وقال القاضي الحكاية باختصار شاب مصري زي الورد عمره ٢٥ سنة إسمه ( أحمد عاطف )
أحمد شغال في محل إلكترونيات  جاله شباب كويتي عاوزين يشتروا منه بلاي ستيشن ومصممين ياخدوه بسعر أقل من سعر بيعه أحمد رفض يبيع بالسعر دة شتموه بأقذر الشتايم وقلوا ادبهم عليه وأهانوه  أحمد قالهم إطلعوا برة .قالوله لو راجل ما تقفلش المحل
راحوا جابوا شلة صحابهم ودخلوا عليه المحل كسروا الدنيا وأصابوه بجروح هو واللي معاه وكان واحد منهم مستنيهم برة بسيارة وانيت ( نص نقل كبيرة ) عشان ياخدهم ويهربوا بعد ما يأذوه
الشباب المصري اللي شغال في المحلات اللي جمب أحمد في المول طلعوا واشتبكوا معاهم عشان ينقذوا أحمد ومفيش حاجة من المحل تتسرق
وبالفعل مسكوا اتنين منهم وباقي ال ١٥ هربوا فالشاب اللي في السيارة برة حب ينقذ زمايله اللى اتمسكوا راح دهس احمد تحت عجل عربيته وفضل رايح جاي عليه ودهس مصري تاني ( محجوز في العناية المركزة بكسور في كل جسمه ) وهو بيهرب خبط سيارات كتير وبقي يلف عكس السير وكان في شاب كويتي طالب في كلية الشرطة قاعد ع القهوة مع والده دهسه هو كمان ( الشاب الكويتي كمان في العناية المركزة )
واضاف محمد أن جثمان احمد خد تصريح الدفن وولاد عمامه خدوه وطلعوا على مقابر الصليبخات عشان يتغسل ويتكفن ويتحط في صندوق ويرجع بلده شاب ٢٥ سنة متكفن في صندوق .
وبدورنا نحن حملة الشباب المصرىين بالخارج انتقلنا الى مخفر منطقة ميدان حولى ( قسم شرطة ) ووجدنا تجمهر من شباب المصريين بالخارج وعملنا على تهدئتهم بعد طمئنة المسؤلين بقسم الشرطة بان القانون والتحقيقات سوف ياخذ مجراه .. فى حين صرحت السفارة بانه تدخلت لعدم ترحيل وابعاد الشباب المصرى الذى دافع عن الشهيد احمد  ولكن المؤسف موقف السفاره غامض من موقف استشهاد احمد وهناك تجمهرات عديده من جموع المصريين تطالب باقالة السفير وغلق السفارة لتخاذلها فى واجبها تجاه كل قضايا المصريين واخرها ابعاد 16 مصرى على اثر مشاجرة مع شباب سوريين الجنسية بمنطقة صناعية يطلق عليها منطقة الشويخ .
هذا ويطالب ابناء الجاليه بتمثل حقيقى فى البرلمان المصرى 2015 لشباب المصريين بالخارج لكى يتم متابعة قضاياهم ونقل اصواتهم ومطالبهم لمجلس النواب المصرى لتكون مطالبهم امام اعين صناع القرار .
وعلي اثرة تم تدشين الحملة من اهم مطالبها على لسان منسقها العام محمد عزت القاضى . سرعة تدخل السفارة المصرية كما يجب ان يكون وكذلك وزارة الخارجية المصرية لعدم ضياع حقوق ابناء الجالية المصرية بالكويت وبدول العالم ولانهاء حالة الاحتقان الذى يعيشها ابناء الجالية المصرية بالكويت . وهذا وقد اعلنت الحملة فى وقت سابق تضامنها الكامل مع قضية الشهيد احمد عاطف واسرته . وتقوم الان بالمشاركه فى انهاء نقل الجثمان الى القاهرة