الدنيا أحلي

كلمات : ضيا طحاوي

اللي صبر ع الظلم
عاش أكتر بالأمل
خلي الضمير جواك
حارس صحوتك
وعيناك تنام
مطمنه في ملكوته
وإتفرج من قريب وبعيد
علي حكمته وجبروته

الدنيا أحلي بالرضا
ويا الجمال الرباني

إياك تتمسك بالسراب
وتشوفه غايه
ياما ناس كتير
تاهوا بخيالهم
وبغير حساب
كانوا للجميع عبره وآيه

الدنيا أحلي بالرضا
ويا الجمال الرباني

وصفا القلوب
لو يوم تتوب
يحلي العمر من تاني
يا ضحكة القلب العليل
صوتك هايعلي
للسما آميال
وضيا عيونك
ساطعة قوته
لجبال
تسلم خطوتك للضي
يفرش طريقك ورد
ع الجانبين
الدنيا أحلي بالرضا
ويا الجمال الرباني