بقلم : محمد محزم
بيقولو عليه شحات
أيوه أنا شحااااااااات
ومين فيكى
ما هوش شحات
غير الحراميه
وشماشرجية السرايات
اللى نهبوا خيرك
من يوم ما قالوا
أبو الفقرا مات
وجابوا سمسار
واسمه أنور السادات
وبيبدلوا علينا اللصوص
والإسم حكومات
وأنا لا ليه وظيفه فيكى
ولا خميره تسندنى
فى ساعة الأزمات
ولما قدمت عالمعاشات
سقطونى علشان
ما فيش واسطات
ولامعايه رشوه للبهوات
يبقا لا فيها عيبه
ولاحرمه إنى أون شحات
والمشكله مش كل اللى فات
المعضله إن ماحدش
عنده زياده يديها للشحات
ما بتهونش غير على الفقرا
يقسموا مع بعض لقمات
أيوه جاااااااااااااااى
