بقلم : محمد محزم
يا سلام على دايرتنا المنشيه
مرشحينها تفصيل ترزيه
ذمتهم أنضف من زبديه
بعد غسيلها سبع مرات
منهم سته بالميه
ما فيهمش واحد خلا
فعينه من الملح شويه
وذبح عجل أو فرق بدريه
أو طبق إيده فىورقه بميه
ما هى دايره منحوسه وفقريه
وإتلمو عليها ولاد المؤذيه
مرشحين دايرتنا الموكوسه
حرامى وسلفى وغازيه
أول واحد غير جلده
لامره ولا اتنين قول ميه
واد حريف يشبه ميسى
فى أصول اللعبه الانتخابيه
وتأشيرته معتبره
وليها تسعيره جبريه
أما التانى مكافح من يومه
وجايبها من بدروم الانتهازيه
عنده إستعداد يستثمر فى أمه
ويبيعها فى السوق السياسيه
أيام الإخوان كانت دقنه شبرين
وفايده السبحه تنور وبيتمخر بالجلابيه
شوفه دلوقتى بقا عالموضه
والبرفان أنواع عالميه
وفى وسط كلامه تلاقى
لازم كلمه فرنسيه
أما الغندوره المصريه
سابت كل دواير مصر
وجايه تترشح فى المنشيه
ناويه تشخلع مجلسنا العامر
وتدلعقوانينا العصريه
يختى كميله يحرسها الله
وهى فى اللجنه الثقافيه
كتر خيرها دى نازله تضحى
وأهو كله عشان الوطنيه
وأهى حفلة سيرك ومنصوبه
وكله بيغنى على بهيه
اعمل زيى يا صاحبى
ابطل صوتك واكتب فى الورقه
طز فى كل الحراميه
أيوه جااااااااااااااااى
