أحضنينى مرة تانية حتى لو كانت الأخيرة لصمى الكسر اللى صابنى كونى للقلب الجبيرة أغفرى الغلطة اللى عارف إنها عندك كبيرة عمرى انا ما كنت فارس و انتى طول عمرك أميرة بين ظنونك كنت أسيبك مش يومين دى سنين كتيرة
كدب غش كمان خيانة مغزولين غزل الضفيرة
أخنق الحب اللى بينا وارمى قلبك جوه حيرة
معترف لك بالخيانة ونفسى انا اللى بقت كسيرة
الذنوب سجنانى فيها حررى روحى الأسيرة
سامحى قلبى المرة ديا و ارحمى وفضيها سيرة
