تجربة موسي الجديدة اشهر مدرس على فيس بوك

نعرض عليكم التجربة كاملة لكى يتبعها الآباء مع أبنائهم

موسي :-

امبارح كنت بدي للتلاميذ درس ” العلم النافع وتقدم المجتمع ”
قولت ازاي استفيد أنا شخصيا كمان من الدرس وأقدم حاجة تستحق ، بدل ما اقعد أقول واعيد للولاد والنتيجة صفر .
وزى ما بعمل قسمت فصلي اربع مجموعات ..
المجموعة الرابعة .. اديتهم فقرة يستخرجوا منها كلمات زي (من ، في ، إلى ، عن … الخ )
المجموعة التالتة .. اديتهم القطعة ويكتبوها بالتشكيل ويكتبوا تحت كل كلمة حروفها منفصلة .
المجموعة التانية… اديتهم الفقرة لمدة عشر دقايق بعدها يكتبوها إملاء .
المجموعة الأولى .. طلبت منهم أنهم يبحثوا فى النت والمكتبة عن تسع شخصيات علمية اثرت بشكل فعال فى تاريخ الحضارة العربية واستعنت بجوجل أنه يجيبلى الشخصيات وقولت لكل تلميذ منهم دا قدوتك ومثلك الاعلى وهو هيكون موضوع حصتك هتناقش فيه ونتكلم عنه بعيدا عن التسميع والكتابة والجو التقليدي ..
تفاجأت بالابحاث بتاعة الاولاد فى المجموعة الاولى كانت فعلا تشرف وتفرح ..
من أجل الجمل اللى سمعتها من الولاد : في يوم من الايام هتشوفنا يااستاذ موسى فى الكتب وهنقول الاستاذ موسى هو اللى وصلنا لدا .
يارب وفق …