اصدر الشاعر الكبير بهاء الدين محمد منشور نشر عبر مواقع التواصل الاجتماعى وجهه كلمات المنشور للملحن المعروف عمرو مصطفى والذى قال له فيه :
هام جدا : إلى الملحن عمرو مصطفى :
أولا : فوجئت على أكثر من موقع إعلامى وصحفى إنك ذكرت إسمى وإسم الأستاذ المنتج نصر محروس كشهود على وقائع لم تحدث وإدعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فنية .
ثانيا : على مااتذكر انك ماكنتش لسه موجود كملحن ف الفترة اللى بدأت شيرين فيها وجودها الفنى ولو كنت موجود كملحن ف بدايتك أظن من الصعب على شخصى وشخص نصر محروس إننا نتحايل عليك تسمع صوتها وهذا كلام غير صحيح .
ومش ح اتكلم عن الكلام التانى اللى انت كتبته عن شيرين وتناولته المواقع والصحف اللى مايصحش أكرره تانى لعدم صحته ولبواخته وتهوره .
ثالثا : شيرين عبد الوهاب .. مطربة لها مكانتها ووجودها اللى أظن هجومك عليها بالاسلوب والمستوى ده كان تهور غير محسوب !!!
رابعا : نصيحة من أخ أكبر ليك : ماتخسرش المحترمين بتهور لأن الدنيا مابقاش فيها ناس كتير يستاهلوا نحافظ عليهم .
وماعندناش نجوم كتير ف نفس المكانة .. والمفروض فنان بإسمك وحجمك لازم يحاسب ويحافظ على صورتنا وصور نجومنا قدام الناس والوطن العربى وأخيرا منتظر منك الإعتذار للجميع لأنى أثق إنك بتحترم الكبار .
خامسا : اخترت ردى يكون بنفس الاسلوب اللى اتبعته ف هجومك على شيرين وذكر اسمنا كشهود على وقائع لم تحدث .
