شعر / عبدالمجيد سلطان
من بكره خايف وشايف كل الطرق مسدوده
كنت بحلم أعيش الأصل لكن عايشونى الصوره
ياما نفسى أعيش زى البشر بكفايا هموم
ولو جيت أعاتبها تجيب عليه اللوم
واسعه فى عين الكل وفيكى براح
وعليه أنا سجن مخليانى مش مرتاح
أعز حبايبى فرقتهم وقولت نصيب
وشفت الوجع فيكى قولت فرجه قريب
تعرفى تضحكى فى وشنا ولا الضحك عندك عيب
يا دنيا مالك ومالى إيه إل جرى
مبقاش عندك غير الجرح نصيب ليه أنا
