أثارت دعوى تطالب باستخراج جثة الرئيس السابق مبارك، زاعمة أنه توفي منذ عام 2004، قلق وتساؤلات النشطاء على تويتر، حيث تساءل البعض عما إذا ما جاء بالدعوي صحيح، وتوفي مبارك بالفعل أم الأمر لا يتعدي الشائعة التي كانت تثار بين الحين والآخر.
ويذكر أن الدعوي حملت رقم ٣٢٨٠٤ لسنة ٦٥ق، ورفضتها محكمة القضاء الإداري، حيث طالبت الدعوي باستخراج جثة الرئيس السابق محمد حسني مبارك- بحسبما جاء بالدعوى– مشيرة إلى أن مبارك توفي يوم 16 يونيو 2004، عن عمر يزيد على 76 عامًا، إثر إصابته بسرطان المثانة والتهابات الأذن، ورفض الجهات المعنية استخراج شهادة الوفاة الخاصة به.
قالت أمنية هاني “هو مبارك مات وأنا كنت في غيبوبة ولا حاجة؟ باين كده أنه بجد، بس إمتى وإزاى؟ بيقولك استخراج جثة مبارك فقولت مات واتدفن وكمان يستخرجوا الجثة وأنا نايمة مش ممكن يعنى ده أنا لو ميتة وصحيت مش هيحصل يالا أهو لو مات خير وبركة ولو مامتش عادى مش أول مرة”.
وعلق بودي مهندس تجاري “اتخطف من وسطينا يا لمبي مات امتى صحيح! وربي معرف أنا لسه جاي دلوقتي مات كتير قبل كده الخبر ميصدمش بصراحة”
ورد شادي على “ايه ده يا جدعان هو مبارك مات بجد؟!!!”
وتابعت هبة يوسف “جثة حسنى مبارك ازاى يعنى هو مات”
وأضاف فرج فتوح “مات وشبع موت بس منتظرين الوقت المناسب ويعلنوا الخبر… مش بعيد”
وقال على جمعة “هل مات حسني مبارك حقا أم أنها ترهات
كيف يموت من مات ألف مرة قبل ذلك؟؟ مات الموت بعد صراع طويل مع حسني مبارك لله دره”
محمد مصطفى “بجد.. هو مبارك مات؟ وأضافت عزة محمد “القضاء الإداري” يرفض إعلان “وفاة مبارك” اللى رافع شايف أنه مات..هتعرفوا اكتر منه؟ ايه الفتوحات دى كلها”
وعلق محمد سمير “هو مبارك مات امته ياااااه ده الواحد مش عايش بقي”
وردت فرح “مات من زمان من قبل ثورة يناير”
وتابع عبد العزيز بجز “هوا حسني مبارك مات؟؟!!”
وقال محمد رمزي “يِّعٌنِيِّ مًبًأّرکْ مًاّتٌ مًنِ 2004 وٌاّلَلَي کْاّنِ بًيِّحًکْمًنِأّ شُـبًيِّهّ لَيِّهّـ دٍأّ أّيِّهّ
وأضاف هشام رفعت “احنا لسه ياما نشوف…. هو مبارك مات واحنا مش داريين”
وتابع أودلف موحا “أحنا هنطلع جثة مبارك تتشرح…. وهو عايش
ورد يونس ” تخيلوا كان فيه لسه قضية شغالة في مجلس الدولة عشان يطلعوا جثة مبارك اللي هو اصلا عايش ويتم تشريح الجثة… على المحامي الزميل اللي رفعها”.
وعلق أحمد طلعت “عش رجبًا وشعبانًا ورمضانًا وربيعًا واسمع عجبًا جثة ايه حسني مبارك اللي ميت من ٢٠٠٦ واللي بالقفص ده مين جوز شاكيرا
