…بقلم يسري مطاوع
ميلي مع الهوى ميلي
وبأجمل غنوة غنيلي
يابنت بلادي شغلاني
يا شاربة ميتي ونيلي
سهران أغني بندهلك
طول نهاري وكمان ليلي
يا ست الكل حبيتك
ويوم آجي على بيتك
أ شوفك قمرة بسمايا
تسمعي عنك مواويلي
كلام القلب يندهلك
وبتحنن انا أهلك
أشوفك مرة بعيوني
من الأشواق يا ويلي
من غربتك تعبتيني
وكان حقك تهنيني
يا أجمل ورد بستاني
النسمة عنك بتحكيلي
بيوم مسيرنا نتقابل
وغيرك قلبي ما قابل
أو عيوني تشوف غيرك
ولا لغيري هوى تميلي
