كتب _اشرف المهندس
تزف اليوم ( منى السيد) فتاة الاسكندريه كعروس وسط فرحه كبيره من اهالى الاسكندريه كلها تكريمآ لها بعد مقابلتها للرئيس السيسى بناء على طلبه بعد ما انتشر لها صوره على السوشيال ميديا و هى تعمل و تكافح و من ثم تعتبر مثال عظيم للاراده و الكفاح ..
منذ يومين تلقت منى اتصالآ هاتفيآ من رئاسه الجمهوريه بأنها سوف تستلم السياره التى ستعمل بها و ستكون ملك لها بناء على توجيهات السيد الرئيس و هذا سيكون يوم السبت صباحآ .. و حينها عمت الفرحه على قلبها.
فى صباح اليوم جاء الى الاسكندريه بالفعل مندوبآ من رئاسه الجمهوريه و صندوق تحيا مصر و نائب محافظ الاسكندريه الدكتوره سعاد الخولى و بعض قيادات المنطقه الشماليه العسكريه و حكمدار شرق الاسكندريه و مدير اداره مرور الاسكندريه و بعض من الصحفيين و الاعلاميين منتظرين قدوم عروس اليوم.
و على السياق نظم حى الجمرك برئاسه اللواء محمد عقل (رئيس حى الجمرك) و الاستاذ هيثم المرسى (مدير عمليات الحى) زفه شعبيه من التراث السكندري بها الحناطير و السيارات المتزينه بأعلام مصر و زفه موتوسيكلات على لون منطقه بحرى و اتجهوا بها الى قصر ثقافه الانفوشى وسط تهليل و فرحه المواطنين و الاغانى الوطنيه لكى تتسلم سيارتها الخاصه التى خصصها لها صندوق تحيا مصر بناء على اوامر السيد الرئيس.
و من ثم وصلت ” منى ” لمقر تكريمها و جلست بجوار القيادات المتواجده و قال كل منهم كلمه فى حب مصر و ايضآ مهنئين فتاة الاسكندريه .. ثم سلمت الدكتوره سعاد الخولى ورق و مفاتيح السياره و اقرارت بعمل كل اجراءات الرخصه الخاصه للسياره بناء على تصريح السيد المحافظ و مدير اداره مرور الاسكندريه.
وقالت(منى السيد) انا طايره من الفرح عشان الرئيس كرمنى و جابلى ال كنت بحلم بيه و اشكره اوى و بدعيله كل يوم.
و بسؤالها هل ستتركي العمل و هترتاحى ف البيت ؟ اجابت قائله – الرئيس السيسى طلب منى انى ارتاح فى البيت بعد ما جبلى الشقه و انى اشغل العربيه و اعيش على رزقها و لكنى رفضت و قولت له (على جثتى) انا هفضل اشتغل لحد ما اموت .. فرد سيادته قائلآ :- انتى قدوه حقيقه للكفاح و الاراده.
و بسؤالها ايضا
_ ايه ال ناقص من الحاجات ال الرئيس وعدك بيها ؟ قالت
– انا مش عوزه شى غير العمره ال الرئيسي وعدنى بيها و انا اى شى تانى حكمله ف بيتى من شغلى ..
وتقولى اييه لشباب مصر ؟ قالت
– احب اقول لشباب مصر اشتغلوا و اجتهدوا و متقعدوش على القهوه و اسعوا عشان ربنا يرزقكم على قد اجتهادكم.
و على نفس السياق صرح مندوب رئاسه الجمهوريه و صندوق تحيا مصر
ان الرئيس السيسى هو عون لكل المصريين فى كل وقت و احب ان ابارك لمنى على تكريمها و هى مثال حى للاجتهاد و قال ايضآ ان الرئيس يعمل جاهدآ على رفع المستوى المعيشى لدى المواطنين و ان القادم افضل ان شاء الله.
و صرحت مديره قصر ثقافه الانفوشى
– انا بجد فرحانه جدا على تكريم فتاة الاسكندريه و هى مثال حى لقوه الاراده و الاجتهاد لكل الشباب و البنات ايضآ و ان تكريم السيسى لمنى اليوم هو تكريم لكل فتاه مصريه.
و صرح ايضآ مدير اداره المرور بالاسكندريه
– سوف تعمل الاداره من الان على استخراج الرخصه الخاصه بالسياره.
و قال بعض الاهالى
– احنا فرحانين اوى بتكريم منى و احنا بحب السيسى و معاه فى كل وقت و ربنا يقدره على مكافحه الارهاب و بنشكر الجيش على بطولاته و على كل الى بيعمله
