كتبت / نجلاء عياد
بصراحه عمرى ما شفت قمه تجاهل من وسائل إعلام أو حكومه أو من أشخاص ..فى مسابقه دوليه وانى بتكلم باسم مصر بمبادره تهم كل واحد عايش بالبلد دى …
هكذا وجهت الفنانة ريم التونى المشاركة ببرنامج الملكة
اضخم برنامج على مستوى الوطن العربى يدعم مبادرات المرأة
والجدير بالذكر ان ريم التونى صاحبة مبادرة ايد واحدة
وبسمة الشرقاوى صاحبة مبادرة ع الرصيف
حاليا هم بالتصفيات النهائية ببرنامج الملكة
اضافت ريم التونى /كل مشاركات البرنامج من دول مختلفة
يتم دعمهم من بلادهم سواء (رؤساء ووزراء دول ).اما بمصر لم التقى بمحافظ ليدعمنى …بجد مهزله
انا حصلت على لقب أصغر سفيره للنوايا الحسنه و عده شهادات تقدير وشاركت فى أكثر من مهرجان ومع ذلك لم اتلقى اى رد فعل إيجابى أو دعم من الحكومه ووسائل الإعلام .(بس بتهيالى لو كنت فى مسابقه رقص أو غناء أو تمثيل كان زماني اتعرفت)
..و مبادرتى (ايد واحده) ببرنامج الملكه هى مش مجرد مبادره أو جوله اكسبها علشان اخد فى الاخر تاج أو كرسى عرش ويكون اسمى الملكه …دى قضيه كبيره وأساس لكل مجتمع عربى …بكلم باسم أطفال شوارع وأيتام وأسر تحت خط الصفر وناس كل يوم بتموت احساسهم انهم عايشين حياه اداميه …وكل يوم بنشوفهم فى الشوارع بيطلبوا حسنه أو شىء أقل من مما تتوقعه وأنهم بيفرحوا بأى شىء مقابل انهم يحسوا انهم ليهم قيمه عندنا ..
.للأسف انا مبادرتى اتجاهلت من وسائل الإعلام لأن فى برامج كتير بتعرض المشكله دى كل يوم ومش عاوزين ازعاج على الساحه ومش عاوزين منافس …وتجاهل من الحكومه علشان مش يبينوا التقصير فى حقهم .. وبالنسبه للأفراد مفيش اهتمام لأن دا بقى شىء عادى قدمهم كل يوم ..وشايفيين أن مبادرتى مش هتغير الواقع …
اى فرد مننا لو غير 5% من الواقع اللى عايشيين فيه بلدنا هتتغير للأحسن .
انا فخوره أن قدرت اساعد ناس كتير كانوا فعلا فى عز الاحتياج …
كل الشكر والتقدير لكل الاصدقاء والفنانين اللى قدروا مبادرتى وادعمونى …
بجد حزينه جدا من جوايا من تجاهل الدوله لمتسابقه بتتكلم باسمك يا مصر ..
بجد مصر محتاجه اعاده فى هيكل نظامها بالكااامل
ختمت ريم كلامها قائلة /اتمنى صوتى يوصل لجميع المسئولين
