موال
للشاعر الكبير /السيد داؤد
اه يابا
ياتوهه الدنيا من بعدك … بقيت فيها غريب محتار
ومين من بعدك يفرحنى… ومين يملا علينا الدار
الدنيا فيضيت حواليا …. ضاقت يا عالم ف عنيا
خلاص معدش حنية …. اه يالعبة الاقدار.
الاغنية
انا إللى أبويا يوم فاتنى … أوجه دينا ما تسوى
صغير السن يا دنيا. …. ماخدش يوم على القسوة
وناس فى الدنيا ما ترحم … وحوش الغابة دى ارحم
داريت نفسى عن المخاليق …لقيت البعد كان اكرم
يارب العرش صبرنى على المكتوب
وبعدك يابا خلانى اعيش مغلوب
ايوم بليل اقول يابا ..
اكون وحدى اقول يابا
يصرخ قلبى جوايا
وبنده انت فين يابا
يالعبك يازمن بيا
سرقت الفرحه من بيتنا
خف الحمل دا شويه
كفاية القسوة بكتنا
سايبنى يتيم هنا فى همى
لخلق تدوس ولا تسمى
فى دنيا ياخلق ما تسوى
ما راح إللى كان شايل عنى
يارب العرش صبرنى ..على المكتوب
وبعدك يابا خلانى اعيش مغلوب
أقوم بليل اقول يابا
اكون وحدى اقول يابا
ويصرخ قلبى جوايا
ينادى انت فين يابا
