رامى ذكرى
ليس أهل الطبل والمزمار هم أصحاب آلات الموسيقية
بل المقصود هنا
(أهل النفاق والكذب)
أهل الشر والابتلاء
هم من يجامل كل كذاب ويعاون كل آفاق هم من فى الشر تجدهم
(الطبل على )
كل الألوان طبل سياسى ومجتمعى واعلامى والخ
والمزمار على حسب الأهواء لو فى
(الصالح وهيقضى مصالح)
يبقى مفيش مانع من المزمار والمغنى و الرقص كمان
ولو حتى كان على باطل أو حتى على حساب الناس
مجتمع يشع بأشخاص ذات كلمات رنانه
فى كل المواقف تجدهم ومع كل الأشخاص تراهم يعنى بالبلدى
(رايح جاى مع كل الحى )
واهو كله بيرزق على الفاضى من كلمه حلوه فى تغريده
او زى كلام غالى فى تويتة
ياسلام لو تم جميله بقصيدة أو حتى مقاله فى جريدة
(يقولوا معلم متعلم )
لكنه فاشل ومبلم مكشوف لكل المتعلم الواعى الناصح المتأمل
ياحماد الناس عرفاكم وشايفاكم
(اتقوا الله في أنفسكم )
بلاش كلامى يزعلكم انا بس حابب اعرفكم الكل عارف معاليكم وعند الكل حكاويكم
انا قولت الواقع فى سطور وكلامى مباشر ياصقور
اللى هايشتم واللى هايغلط واللى هايقولى طب يلا غور
عادى براحتك
(بكره الكل واقف فى طابور وعنده لا تضيع الأجور)
وبين قوسين رسالتى جمع وافهم معنى كلامى
