كتبت/بسمه عطيه
أصعب احساس ممكن يقابل اى ست انها تحس ان الزمن جه عليها قوى ان عمرها ضاع والشقا والهموم عجنت وكلت كل تفاصيلها .
والاصعب انها تضحى وتدى وتفنى حياتها ومحدش يقدر الحدوته الجميله اللى عملتها .
حدوته هى تمنت فيها النهايه السعيده تمنت فيها التسقيفه العاليا
تمنت الستار الأسود مينزلشى
بس للأسف الستار الأسود نزل والحدوته انتهت نهاية مأسويه
نهاية اجبرتها انها تقع على خشبة المسرح اجبرتها ان دموعها تغرق كل جدران المكان
هى مكنتشى عايزه نيشان او حتى فكرت نهاية حدوتها تنتهى بتشريفه !!!!كل مطالبها ب اختصار كانت مجرد تسقيفه
هى كانت عايزه تحس انها بدأت بطلة ونهت بطله كانت عايزه تحس انها عملت حاجه تستهال عليها الأشاده بس كل اللى حواليها كانت نظراتهم عجيبه
هى ليه عامله كده !!!ليه عايزانا نقولها انها بطله ؟هى عملت ايه مختلف عن كل الستات !!!!هى كانت بتأدى واجبتها.
كانت بتنفذ التزامتها.
كانت وكانت وكان وكان ومليون علامة استفهام؟؟؟؟؟؟؟
حد فيهم قدر تاعبها حاول يحتوى بطلة وصلت سن الخريف
حاول يقولها جدعه برافو!!!!
دورك فى الروايه كان اساسى وكان مهم
دورك كان محورى .
حد قالها اصغر كلمة ممكن تتقال حد فكر يقولها (شكرا)
لا هى مش مهم (فلتذهب مشاعرها الى الجحيم)
خلاص هى ادت دورها المفروض عليها تتقوقع تاخذ نفسها ومشاعرها ومركبات عقدها وتتركن
انتهى دورك ايتها البطله
انتهى ربيع عمرك بين صبار الجحود
وصلت الى خريف العمر بعد ما قطعت مشوار طويل مشوار من السهر والتعب والقلق مشوار والله كانت سعيده فيه انها بطله وانها مهمه لكل اللى حواليها كانت سعيدة ان الكل بيترمى فى حضنها الوجع بيخشع من حنيتها ودفئها
كانت عارفه واجبتها كويس ادقنتها ونفذتها بكل حب
فى النهاية خدت جحود وعدم احساس ب اعظم دور فى الوجود
الدور اللى من غيره تسقط كل حاجه فى الدنيا
تسقط الحنيه والأمان والسكينه والرضا والحب
بدون الأنثى لاشئ فى الحياه يستحق الحياه !!!!!!
