قصيدة ” كلام في الحب “

كلمات : ضيا طحاوي

كلام في الحب ما يكفيش
يااادوب إسمك
ياأجمل ضحكه
بتحلي سنين العمر
يا لمعة عين وياها
يهون كل العذاب والمر
يا طلة بيها الدنيا
دي بتضحك
يا صوت سامعاه
بكل مكان يقولي إسمي
يا طعم الحب من أصله
ملامحك فيها من رسمي
يا ريحة الجنه في الدنيا
يا جملة تهون المشاوير
وجودك حتي لو ثانية
يخلي الفرحة بيه تطير
يا عمر العمر في ضمه
يزيد وياها نار الشوق
يغطي نورك القناديل
يا كل نصيب ومتقدر
بطعم الحمد والنعمه
يا توب رباني متفصل
بخيط الصبر والقسمة
كلام في الحب ما يكفيش
يااادوب إسمك