انا صيدلى مش بياع

د.محمد أمين جاد

❎ تجيب الدوا للمريض من الرف وتعبي ف كيس وياخده ويتوكل ع الله
(يبقى انت كده اسمك مِناول أو بياع أيهما أقرب )

✅ عندك نظام اسمه الـ Double check
لأن عينك هتخدعك  إيدك هتتلخبط في الزحمة الدكتور اللي كاتب الروشتة ممكن يتلخبط .

✅ احتمالية الخطأ في صرف العلاج أو وصفه غير واردة أرواح الناس مش لعبة ومفيهاش “غصب عني” !!

✅الدوا لو انت هتصرفه بس (ودي أقل مهمة في الصيدلية) .
لازم تراجعه بعينك مرتين “على الأقل ” ولو دوا لحالات خطيرة بتراجع انت وحد زميلك وده لا يقلل من قيمتك ولا من علمك .

✅ بتكتب الجرعات للمريض بشكل مُنظم بلاش نكش فراخ حرام الناس الكبيرة عينها مبتجيبش .

✅دورك مش بس صرف دوا أو وصف دوا ،، انت بتمنع أي خطأ طبي وارد إن المريض يتلخبط بين ألوان أو أشكال الأدوية .

✅ تكملة النقطة اللي فاتت فانت لازم تراجع ورا الطبيب الجرعات المكتوبة هتعرفها منين ؟! من genebrandex وبلاش لماضة.

✅ لازم تفهم المريض بصوت واضح وتتكلم properly بلاش سرعة ولا صوت واطي وتاكل الكلام في بعضه وتنظم كلامك الأهم فالمهم .

✅ لازم توصل له المعلومة بطريقته وزي ما قولنا الصيدلي الشاطر هو اللي يوصل المعلومة لواحد مبيعرفش يقرأ ولا يكتب بنفس الكفاءة اللي يعرف يوصلها لمجدي يعقوب ماهو الشطارة مش إنك عارفلك كلمتين ومخزنهم لازم تطبق وتفيد بطريقة صح .

✅ تعيد المعلومة أكتر من مرة وتخلي المريض يعيدهالك تاني ومتجيبهاش بصيغة إنه مبيفهمش