بقلم / منال راتب
بعدك عني ميهمنيش
خلاص من غيرك هعرف اعيش
صدقني منك انا خفيت
لية كنت فاكر اني هموت
قلبي الصغير طلع له صوت
تعبت من كتر السكوت
مبقتش اخاف من اي شيئ
معاك كرهت حتي اني اعيش
لية فاكرني هكون ضعيفة
ولا اقبل اكون زليلة
انا عديت لك حاجات كتير
كنت فاكرة هلاقي تقدير
وانت كل يوم بتذيد
غرور وظلم وسوء تقدير
خلاص انتهي عصر السكوت
من انهاردة هقول واعيد
ولا هقبل تاني تجريح
طول عمري رافضة الاهانة
هعيش حياتي بس عشاني
اكيد ليا فيها لسة اماني
وانت نسيت اني انسانة
املي يكون ليا كرامة
يمكن اكون مخلوقة من ضلعك
لكن اكيد انا زيي زيك
ولا انت فاكر اني كمالة
دنا من غيري نسلك يضيع
انا امك واختك وحبيبتك
انا زوجتك وكمان انا بنتك
قولي امتي هتحس بيا
وتعترف اني انسانة
