كتب / اسلام البحراوى
واحد من الناس قال ان الحج المفروض مايبقاش في الكعبه انما الحج المفروض يكون للاهرامات لان الاهرامات هي مهد الاديان وان الاديان صناعة الفراعنه وقال علي السيسي سفاح وقال انه مع رابعه !
المهم هو بيتكلم عن ماتش الاهلي والشرطه امبارح
بيقولك النتيجه مقصوده ان الماتش يخلص 7/3
لان دي رساله ان الماسونيه هاتوقع الداخليه يوم 3 /7 الجاي
زي احنا ما وقعنا الاخوان يوم 3 / 7
** والله تحليل خطير ماشاء الله
ايه الحلاووووه دي
** اللي اعرفه ان التحليل اما يكون لفيلم اتكتب والسيناريو مقصود
او انك تحلل شئ مستقبلي هايحصل
انما تبني تحليل علي نتيجة ماتش مش معلوم نتيجته
وبعد ما تحصل النتيجه تبتدي تتحفنا بالتحليل
طب افرض الماتش كان خلص بنتيجة 6 / 3
كانت هاتبقي اشاره لاسقاط الدوله في 30 يونيو
** انا حابب بقي امشي بنفس منهج السيد المحلل
واقوله انا بقي حللت ماتش الزمالك وطلائع الجيش اللي اتلعب من اسبوعين
وطلائع الجيش كسب الزمالك 3 / 2
والماتش كان في ستاد الدفاع الجوي
عارف دا معناه ايه
1- الجونين بتوع الزمالك معناهم اننا عملنا ثورتين
2- و ال3 اجوان بتوع الجيش معناها اننا غيرنا 3 رؤساء
3- وان الجيش يكسب معناه ان الرئيس التالت اللي جاي من الجيش اللي هو السيسي … هو اللي كسب وانتصر
4- وان الماتش يتلعب في ستاد الدفاع الجوي ليلة 20 ديسمبر .. يعني صابح يوم 21
.. دي اشاره لمشاركة القوات الجويه في ضرب داعش ليبيا انتقاما من ذبح 21 مصري !!
ارحمونا احنا ما صدقنا الناس بدأت تقتنع ان البلد عليها مؤامره
وان الافلام والاعلانات فعلا بتحتوي شفرات واشارات
بكلامكم دا بتخلوا الناس ترجع تستهزأ تاني
وبتخلوهم يستغلوا العبط دا ضدنا عشان يقنعوا الناس ان مفيش مؤامره !!!
**
