كتب :حسام داود
اللى بنى مصر
يأمر ويتمنى
ومدام بناها كده
ندعيله بالجنه
دى مصر دى امنا
ورسولنا قالهالنا
مش تحت رجليها التراب
دى تحتها الجنه
دى مهبط الانبيا
محسوده م الحساد
ياما غارو منها العدا
ياما غارو منها بلاد
واللى طمع فيها عرف
معنى ولاد سمر وشداد
رب العباد قال فى القرآن
ان انتى معنى للامان
قال ادخلوها آمين
وبجد سقتينا الحنان
عاشقك وعاشق كل مافيكى
ياغاليه روح ريحه ومكان
ياغاليه روح ريحه ومكان
يامصر ياعروسه
ورافعه جبين راسها
وشايله تاج عزها
لكل حراسها
حارسه ومحروسه
بشعبها وناسها
وقت الجراح فينا
حواليكى بتلمى
وتداوى فى جروحنا
مانتى بصحيح امى
وإن قالو يوم مهرك
حالف يكون دمى
حالف يكون دمى
