الله على حبك يا بلدنا

كلمات : عاصم السمان

الله على حبك يا بلدنا

وولادك دايما حراس ترابك

فيه عرق أجدادنا

والدم اللى عليه ينباس

والشعب المصرى يغنيلك

على شط النيل وفى ميادينك

الله على حبك يا بلدنا الله الله

وشهيدك يهتف يناديكى

يا بلدنا الله يحميكى

والجيش الوطنى على حدودك

بالروح والدم بيفديكى

بنقولك يا حبيبتى يا غالية

بنحبك حب بإخلاص

الله على حبك يا بلدنا الله الله

الله على نيلك وأثارك

والزرع الأخضر ف جبالك

ومصانع تنتج شغاله

بأيدى مصرية ورجاله

وشباب ف الغربة يا بلدنا

مشتاق لحضنك وحنانك

الله على حبك يا بلدنا الله الله