كتب / عبدالرحمن مؤمن عبدالحليم
بجد مناقشة الموضوع دا مهم جدا
و احنا هناقش الموضوع باسلوب كوميدى ومبالغ فيه شوية تعالوا نشوف ازاى
واحد تلاقى مهمته يقعد على النت بالساعات بتعمل ايه يا منيل طول الوقت دا
تبص عليه تلاقيه بيكلم سبع بنات على الشات ترجعله بعد شوية تلاقيه معاه سبعة تانيين وشغال على سندوشات بيتهم و عنده جاره صديق ليه على الفيس يدخله من صفحة تانية يقوله معاك روبى من لبنان وطبعا هوا عارف ان جاره واد غلبان مش طايل حتى بنت من ميدان لبنان ولا ميدان باب الشعرية ويقعد الواد جاره يحب على نفسه
لحد ما يلاقى صحبه يفاجئه بالحقيقة المرة بعد ما الواد جاره كان عمال يجهز تمن الشبكة والمهر وجاى للواد بتاع المقلب يقوله تعال معايا هخطب روبى من لبنان هيا قالتى هتنزل مصر فيقوله ما انا روبى يا مغفل
وواحد تانى يبعتلك رسالة ازيك ازى حالك عامل ايه ازى صحتك كيف اخبارك تحس انك عاو ز تجيب عصايا كهرباء وتدخلها فى الشات تكربه وتخلص منه
وواحد يدخل لوحده بعتلها صورته على فرس أبيض ويقولها أنا فارس الغرام وهوا اصلا بيخاف يركب عجلة غرام مين يا واد وتلاقى البنت ياعينى تفتكره راجل متعرفشى أنه واطى أوطى من كعب جزمتها لما يلاقى الحوار جد يهرب أو يطلع واطى واطى ويعملها حظر وياما بنات تعبت نفسيا وبدنيا من مقالب وخداع من شباب على الشات والعكس برده صحيح فى مواقف كتيرة
لكن على الوجه الاخر الجميل اللى برده هوا موجود بوضوح ناس تلاقيها قاعدة على النت بالساعات وبتاكل نفس السندوشات وهيا قاعدة تتكلم على الشات بس بتكلم مين وبتعمل ايه تلاقى الواحد منهم عمال يدور على كل اللى بيعمل حاجة كويسة للبلد بيتكلم مع بنات شباب أطفال عواجيز كل اللى عنده طموح وفكر حقيقى وسطى لعمل التكافا والوحدة والقوة الثقافية العلمية وطبعا يجيلك واحد محبط واخد علقة من الحكومة المنزلية يقولك تغير ثقافى علمى ايه اللى أنت جاى تقول عليه ياعم مفيش فااااااااايدة نولع فى نفسنا ونخلص
طبعا واحد زى دا بتسكت متردش عليه لان الرد عليه بيجيب وباء والعياذ بالله
المهم أننا بجد لازم كلنا باذن ا لله نطبق الكلام دا على نفسنا وعن نفسى بطبقه والحمد لله
لازم نعرف أهمية الفيس بوك فى صنع كل ما هو هادف ومفيد للمجتمع و الامة العربية والاسلامية
نعرف كل دقيقة هتمر علينا ادامه هتكون فى ايه
تعرف مين هتصاحبه مش مجرد يكون عندك أكبر عددأصدقاء وخلاص
ودائما يكون النت هو الوسيلة الاولى فقط وليست النهائية فى كل الاحوال
وأنا عن نفسى بيهمنى جدا اللى يكلمنى يكشف عن هويته محبش أتكلم مع حد كتير تحت أسماء مستعارة ويقولى مش مهم انا مين
لان اى صداقة عندى لها هدف
معرفة صديق او صديقة باحترام وأدب وطموح حقيقى مش معرفة وخلاص
ياريت نفتح الموضوع دا اليوم واسمع تعليقاتكم عليه ونحاول كلنا نقضى على قدر الامكان سوا على سلبيات الفيس بوك مستعدين ولا ناااااااااااااااااااااااااايمين
