كتب الاستاذ اسلام البحراوى المحلل السياسى والاجتماعى
موضوع الفتاه الآزيديه بالبساطه والعاميه علشان كله يفهم الموضوع :-
بصوا عشان من امبارح
ناس تقول وراها حاجه
ناس تقول مش مصدقينها
شوفوا بقي
انا في الكام سنه اللي فاتوا اتعلمت اهم حاجه
اني اخد اللي يفيدني ويفيد هدفي او قضيتي وابعد عن السئ
تماما زي ما يجي حد يقوي مابحبش المذيع الفلاني بسبب اسلوبه
بقول خد اللي يفيدك منه وارمي الباقي للبحر
البنت الازيديه دي انا استفدت منها
لانها وصلت رسالتين
الرساله الاولي ان رئيس بلدي هو اول حد استجاب لها وقابلها.. وبما ان البنت لها صدي عالمي اكيد دي اشاره جيده للرئيس بتاعنا ولتوجهاته لمحاربة الارهاب ونبذ الطائفيه وتحسين صورة الاسلام في تقبل الاخر .. عكس دول تانيه رفض حكامها المسلمين انهم يقابلوها !!
الرساله التانيه لما كلمت الشباب المصري وقالتلهم خلي بالكم من بلدكم وحكومتكم اللي بتحميكم لان احنا بلدنا راحت وشبابنا اتقتل ونساءنا اغتصبوا
لحد هنا انا مستفيد
تقولي بقي وراها حاجه .. وراها حاجتين
تطلع زي ما تطلع ..
وقت ما تغلط ولا يظهر من وراها حاجه نقدر نتكلم ونواجه ونحارب
بس ومات الكلام
