شعر : إيناس زيـدان
حابس نفسك فى الزنزانة
جـوه سـجـن الذكـريـات
الـجــريـمـة و الإدانـــة
يوم ما عرفت ناس جبانة
خـلـوا فيـك القـلب مـات
خـلـوا إحساسـك ضعيف
كل شئ حواليك مُـخيف
عـلـوا إحـسـاس الإهـانـة
إحـسـاس هــادم للـذات
خـلـوا عـندك الـديـانـة
الإنـانـيـة و حب الذات
شُفت كل الناس مُدانــة
كـلـه يـدخـل زنـزانـات
أدى نـفـسـك يـوم بـراح
و أنـسى كل جرح راح
و أفـتـكـــر إنــه فـــات
و لو قابلت نفوس تعبانة
إمشى و سيبها من سكات
مهما عرفت كتير نفوس
الدنيـا ديه مليـانة دروس
و لسة هـتتعـلـم حـاجـات
يمكن لسة تكون فى حضانة
و كل ده يـا دوب بـدايـات
خلى كده جواك حـصانـة
ضــد أى تــشــوهـــات
أحكم عليك بقى بالبراءة
و واجـه الدنـيـا بـجـراءة
عيش حر فى كل الأوقات
