كتبت / أسماء مندور
غيرة الستات دى غيرة أبدية، ياستى غيرى براحتك ده حقك، بس إوعى تغيرى عشان تكرهى الخير ليا، أحبك تغيرى عشان الخير يفيض عليكى وعليا يعنى من الأخر غيرى غيرة إيجابية ،مش قصدى لما أجيب فستان تغيرى منّى وتقطعى فيه وتروحى تتخانقى مع جوزك وتجيبى زيّى فستان شبه إل فى إيديه ، لا غيرى منّى لما أعمل حاجة حلوة غيرى منى لما أعمل خير إجرى وإعملى اكتر منّى، غيرى لما أكون أم مثالية إتعلمى وكونى مثالة وتفوقى علية، مش لما ربنا يفتح علية وأجيب شنطة و سابوه تقومى تقولى خسارة فيه وتغلى وتشوهى فيه، هى دى الغيرة السلبية وحشة قوى وعمرك ما هتحسى إنك أدمية هتفضلى تجرى ورا أخبارى من غير لا فيدة لا عليكى ولا علية عوزاكى تغيرى من نجاحى تبقى احسن منى مثلا فى التربية، تربية ولادك أو إنك تنمى نفسك شوية بلاش تركزى مع ديه وديه دا حتى تَمنى زوال النعمة من عند الناس إسمه والعِياذُ بالله حسد وأذية، ركزى فى نفسك سِيبك من ديه وديه عشان تعيشى مرتاحة، بدل ما تضيعى وقتك فى غيبتى وسيرتى من غير فايدة ،إذكرى ربك دا الذكر حتى بيفك الكُرب وينور العتمة ،وليه تغيرى أصلا انت ست السات ،الغيرة السلبية دى نقص و قلة عقل وإنت ست الكل، ،ربنا مقسمها ماسابش حد ،وأكيد أخدتى حقك دا ربنا هو العدل ،وزمان قالوها إل فى خير يستاهلو، الغيرة مطلوبة بس خليها غيرة ايجابية.
