… يا ترى يا سها ايه بيدور في عقلك وقلبك الموجوع كمان انا حيرانه بينك وبين نادين وبقول الله يعينك يا على انتوا بتقولوا زى طب ما تيجوا نشوف اللي حصل بينهم والحلقةةالثالثة عشرةةمن مسلسل قسمة علي اتنين
يارب يعجبكم
نهى على
مسلسل قسمة على إتنين
قصة وسيناريو وحوار / نهى على طه
الحلقة الثالثة عشره
مشهد (1) نهار خارجى / فيلا بدر الدين / الجنينة
فريال تقترب هى وسها ومن خلفهما أدم وخالد يجروا فى نشاط
ناحية على ووليد
سها دون النظر لعلى وهى تلوح بكفها :
هاى
فريال تقلدها وتنظر لوليد :
هاى إيه مالكوش فى الرياضة على الصبح
وليد فى حماس وهو ينظر لفريال :
مين قال دا أنا بحب الرياضة موت وخصوصا الجرى مش كدا يا على
سها وهى تجرى بدلال شديد :
طب يالا إنضموا معانا خلى عندكم نشاط يالا
وليد ينكز على الواقف صامت ينظر للموقف فى عدم فهم
وليد فى دعوة :
يالا يا على
على يتنحنح فى إرتباك ويعدل وضع منظاره الطبى :
على باللغة الإنجليزية :
مفيش مشكلة
سها تجرى برشاقة وخفة وشعرها يتطاير وبجانبها فريال
وفى الخلف على ووليد وأدم وخالد
فريال تنظر لسها وتبتسم وتغمزها بعينيها
سها تهز رأسها هزة خفيفة
فريال تجرى ثم تتراجع خطوتين
سها تجرى وعلى يصبح على مقربة منها دون النظر إليها
سها تنظر خلفها وتتوقف وفى تساؤل مصطنع :
هما راحوا فين إحنا سبقنا قوى كدا
على يلتقط أنفاسه ويلهث من شدة التعب وفى نبرة مؤيدة :
يظهر كدا أنا بقالى كتتير مجرتش كدا
سها تنظر إليه وتبتسم إبتسامة صغيرة وتصمت
على فى نبرة عادية بها وميض التساؤل والقلق :
جميل إنك خرجتى من حالة العزلة
سها تمرر كفها فى ثنايا شعرها وتنظر إليه فى ثبات
سها فى نبرة حاولت أن تكون عادية :
لازم نتعامل بواقعية أكتر من كدا إحنا في بينا إتفاق ووافقنا عليه يبقى نتقبل الأمور
إنت ليك عندى صورتك والشكل العام وأنا ليا نفس الحق عندك
على يهز رأسه وفى نبرة هادئة :
أكيد كدا نبقى متفقين قدام الناس إنت حرم على بدر الدين
لكن …
سها تقطع عبارته فى حزم وتبعد عينيها فى ضيق وفى نبرة كبرياء :
من غير لكن يا دكتور عن إذنك
سها تترك على وتنصرف
على يغمض عيناه ويزفر فى ضجر ويعود للمنزل
ــــــــــــــ قطع ــــــــــــــــــ
مشهد (2) نهار خارجى / فيلا بدر الدين / الجنينة
وليد جالسا حول الطاولة وبجواره فريال تضحك
وليد ينظر لفريال نظرة عابثة مليئة بالدعوة والإشتهاء
فريال تلاحظ نظرته على مفاتن جسدها وتبتسم إبتسامة سخرية خفيفة
وليد يقطع الصمت وفى رقة مفتعلة :
ماليش أنا فى الجرى مبيحبوش
فريال تقلده وفى نفس النبرة والسؤال :
إمال بتحب إيه
وليد فى تصنع النعومة والإيحاءات بعيناه :
بحب الصيد صيد الغزلان الحلوة والبط والوز
بتحبى الوز
فريال تفهم حديثة وفى تهكم وسخرية :
بحب الكبسة تعرفها
وليد يضحك ضحكة بلهاء وفى مرح مفتعل :
أم رز ولحمة بموت فيها هههههههه حلوة مش كدا
فريال تضحك ضحكة طويلة ممطوطة وتضربه فى صدره بكفها وفى ميوعة :
باين عليك دمك خفيف مش زى الباقين
وليد يلوح لها بكفه سلبا وفى نبرة عادية :
لأ لأ أنا غيرهم خالص أعجبك جدا تحبى تجربى
فريال تضحك ضحكة أنثوية وتنظر بعينها نظرة أنثى مدربة
وفى دلال :
نفكر يا إسمك إيه ونشوف
وليد وهو يضحك معها :
إسمى اللبان … التعبان … إللى ميتسماش
فريال تضحك بقوة وتنهض عندما ترى على قادما :
فريال فى مرح :
دا إنت مشكلة يا جدع
فريال تنصرف
على ينظر من بعيد للموقف ويهز رأسه فى تعجب وفى برطمه :
كملت أصل ناقصك يا وليد إنت كمان
ــــــــــــ قطع ـــــــــــــ
مشهد (3) ليل خارجى / فيلا بدر الدين / شرفة حجرة نوم سها
سها جالسة على مقعد وقد مدت ساقيها على المقعد المقابل
سها تعقد ذراعيها أمام صدرها وترجع رأسها للخلف
سها تزفر زفرة ضيق طويلة وفى حديث مع نفسها :
قد كدا بتحبها .. لدرجة إنك مش شايفنى خالص قدامك
أنا مجرد طوق فى رقبتك وشكل قدام الناس و……
سها تسمع أصوات ضحكات صادرة من حجرة على صوته وصوت نادين
سها تنهض وتقترب من الحائط محاولة التنصت
سها تسمع صوت نادين فى ميوعة :
صوت نادين :
مش كدا يا على … حبيبى وباللغة الإنجليزية احبك
على فى نبرة واضحة :
IMISSYOU
سها تجذ على ناجذيها فى غيرة قوية
سها تجذب إصيص زرع صغير كان فى الشرفه وتقذفه بقوة على أرضية شرفة حجرة نوم على وتدخل مسرعة
ـــــــــــــ قطع ــــــــــــــ
مشهد (4) نهار خارجى / شعاع الشمس / فيلا بدر الدين
ــــــــــــــــ قطع ــــــــــــــــ
مشهد (5) فيلا بدر الدين / حوض السباحة
نادين جالسة حول الطاولة وبجوارها على مرتديا ثياب الخروج
الخادمة تحضر طعام الإفطار وفنجانين الشاى
نادين تبتسم فى رقة
على يفتح الجريدة ليطالع عناوين الأخبار
نادين فى تساؤل حان :
على إنت حتتأخر يا بيبى النهاردة ؟
على يضع الجريدة أمامه وفى نبرة عادية :
مش عارف على حسب فى حاجة النهاردة ؟
نادين تناولة قطعة التوست المدهونه بالجبن وفى إجابة :
كنت عاوزة نروح نزور ساسو صاحبتى جوزها رجع من السفر وعزمتنا على العشاء قولتلها أقول لعلى
على يهز رأسه هزة خفيفة وفى لهجة صريحة :
بس مش حنقعد كتير لأنى مش بستلطف جوزها بصراحة سخيف فى ردوده وتافه وسطحى
نادين تضحك ضحكة صغيرة سرعان ما تلاشت
علامات الضيق ظهرت على وجه نادين
سها تمر من أمامهما مرتدية مايو تراكوازى الشكل مثير للغاية وتلف حول خصرها وشاح من الشيفون المزركش وفى نبرة عادية باللغة الإنجليزية وكفها يلوح لهما :
مورنج
على يحاول عدم النظر لسها ويتشاغل فى تناول الطعام
سها تجلس على كرسى البحر وتفرد جسدها وساقيها الممشوقان بإسترخاء ودلال وإثارة متعمدة
سها تمسك كريم مرطب وتقوم بتدليك جسدها بدلال وهدوء وعى تختلس النظر لوجه نادين
نادين تجذ على أضراسها فى غيرة
سها تنهض وتتجه ناحية حوض السباحة تخلع الوشاح الشيفون فتظهر مفاتن جسدها
على رغما عنه ينظر فى شدوه وتأمل شديد
نادين فى إنفعال لا إرادى :
على إنت مش إتأخرت على الشغل ؟
على ينتبه لنفسه ويتنحنح وفى هدوء :
أه يا حبيبتى أنا قايم أهو
على ينهض ويأخذ سلسلة مفاتيحة وموبايلة وحقيبته وينصرف
سها تسبح فى الماء برشاقة وحيوية ثم تخرج وتنظر لوجه نادين فى تحد خفى وإنتصار
ــــــــــــ قطع ــــــــــــــ
مشهد (6) كلية الحقوق / حجرة مكتب على
على جالسا داخل حجرة مكتبة يدون بعض الملاحظات الهامة
على يطقطق فى عدم تركيز وتشتت
على يخلع منظاره ويضعة فوق سطح المكتب ويرجع ظهرة للخلف
صور سها عند حوض السباحة يشتت ذهنه وتفكيره
على محدثا نفسا :
الله يسامحك يا شاهر .. أنا إللى عملت كدا فى نفسى ما أنا كنت نسيت
لأ هى بصراحة .. قوية جدا
على يضحك ضحكة قصيرة مع نفسه وفى مرح وحنين :
طول عمرك واثقة ومتمكنة من أنوثتك يا سها
ــــــــــــــ قطع ـــــــــــــــــ
مشهد (7) نهار داخلى / فيلا بدر الدين / حجرة نوم نادين
نادين واقفة عند المرأة تنظر لوجهها فى المرأة وتتأملة
نادين تتحسس بأناملها صدرها وخصرها الملىء بعض الشىء
نادين تعض على شفتيها السفلى فى شىء من الضيق
نادين محدثة نفسها :
إعترفى إنها حلوة ومثيرة ومش سهلة يا نادين
نادين فى غرور :
أنا الدكتورة نادين هاشم وعلى مبيحبش غيرى أنا واثقة من كدا
وإتأكدت لما شاف بنات وستات حلوين جدا فى لندن وعمرة ملتفت لحد غيرى
نادين فى غيرة واضحة :
دى حتيجى جنبهم إيه صفر على الشمال
نادين فى تحذير :
خلى بالك منها يا نادين .. شكلها متعب بس إنتى كمان مش سهلة
ولازم تخلى على ميشفش غيرك فاهمة
ــــــــــــ قطع ـــــــــــــ
مشهد (8) نهار داخلى / فيلا بدر الدين / حجرة نوم سها
سها جالسة على حافة السرير وعلامات التفكير والغيرة على وجهها
سها فى توعد خارج عن إرادتها :
إنت بقيتى الكل فى الكل يا سها زيك زيها
إوعى تخليها تتعالى عليكى تاخد بالجزمة فاهمة
أما على الصبر طيب واحدة واحدة على كل حاجة إتعملت فيكى يا سها
سها تزفر فى غل وتنهض وتتجه ناحية الباب وتفتحته
سها تفتح الباب وتخرج
ــــــــــــ قطع ــــــــــــــــ
مشهد (9) نهار داخلى / فيلا بدر الدين / حجرة نوم يسرية
يسرية جالسة على المقعد فى منتصف الحجرة ومعها الخادمة تعطيها الكوب
يسرية تأخذ الكوب
يسرية تسمع طرقات على الباب
الخادمة تفتح تظهر سها بوجهها وإبتسامتها المفتعلة
سها تتجه ناحية يسرية وتنحنى وتطبع قبلة على جبينها فى كذب وفى نبرة حنان مفتعلة :
عاملة إيه النهاردة يا حبيبتى
يسرية تنظر لسها فى صمت وقلق خفى
سها للخادمة فى رقة :
روحى إنتى يا دادة أنا حقعد معاها شوية مقصرة فى حقها
الخادمة فى دعاء :
كلك ذووق يا سها هانم
الخادمة تخرج
سها تقف أمام يسرية وتنطلق من عينيها نظرات شرر وتوعد
وتقترب ببطء
نظرات الخوف فى عينى يسرية
إلى اللقاء فى الحلقة القادمة إن شاء الله
يتبع ………..
