بقلم/شريف الدرديري
العيد جانا والسلام
بلقي تحياتي لكم
وفوق التحيه الاحترام
في الغربه عيدنا مش سعيد
بتصلي وبترجع تنام
والدم ينشف في الوريد
من كتر شوقك والهيام
وفي العيد ملبسناش جديد
ومفيشي حتي الاهتمام
انا عيدي وانا عنكم بعيد
كأني عايش في الظلام
وكسرني احساسي البليد
ومش باقي مني غير حطام
وشوقي في قلبي يزيد
ومش عارف اوصف بالكلام
وهشتني لمة اهلنا
وفي العيد نزورو بعضنا
وندوقو فيه طعم الهنا
ونعيشو دايما في سلام
العيد جانا والسلام
وفي الغربه طعمو مش تمام
العيد باهلك والصحاب
وبلمة الناس القراب
وفي الغربه لو تاكل كباب
بيبقي طعمو مش تمام
العيد جانا والسلام
في الغربه مفيهوش اهتمام
بنصلي وبنرجع ننام
كل عام وانتم بخير
