جاي بتشكي

بقلم / منال راتب
جاي بتشكي
اول مرة اشوف الظلم بيبكي
ولمين هتشكي
وانت ظالمني وكمان جارحني
مطلوب اصدق
ان القسوة تحن وتخضع
ولا القلب الظالم ممكن يسمع
خلصت خلاص
ايام ما كنت من كلمة واحدة تهزني
وان يوم بعدت الوحدة ممكن تقتلني
انا كنت حلم وانت ضيعته من بين ايديك
عمرك ما تلقي حد زيي يحس بيك
الحب كله كان في قلبي وروحي ليك
وانت بغرورك عايزني افضل اسيرة ليك
لا روح وانسي وابعد خلاص عني بعيد
عمر الاسية ما تتنسي لو فات سنين
وفر دموعك لحد تاني يصدقك
مهما تشكي او حتي تبكي
ميهمنيش والفضل ليك