“أميرة شوقي” تكتب
الشعب يدفع فاتورة الاستبداد وغياب الوعي
لو كنت من المرددين يوميا ان الشعب ده همجي وعبيد وجيل عره يستحق الضرب بال …
تعالى هنا بقا :
بقابل يوميا كتير من الناس البسيطه واللي مش متعلمين بيرددوا معانى مخيفه جدا بالنسبالي “الحرية خسارة فينا وأحنا مانستحقش الحرية ” وعليك ان تتوقع المعنى المترتب مباشرة على هذا ” اننا محتاجين لحاكم طاغية مستبد ابن ……. لاننا شعب (ما يجيش الا بضرب الكرباج) “
بعدها بردوا بقابل في الحياه الواقعيه والأفتراضيه مدعي ثقافة وفكر و أدب وبشوفهم بيرددوا نفس المعانى بس بفزلكة في الاسلوب و تورية في المعنى و تأصيل بأدلة تاريخية و علمية موظفة في غير سياقها
بس كلهم بيفشلوا عن اجابة سؤال منطقي واحد #لو حدث فراغ امني و تردي اقتصادي في ارقى بلدان العالم هل هتشوف الناس هناك ماشية محترمة وبتحترم قواعد المرور و واقفين طوابير ؟؟؟؟
ولما بسأل السؤال ده مش بلاقي أي اجابة بالعكس بيتهربوا من السؤال ومن المنطق و من العقل و ردودهم كلها بلهجة حاسمة ” بأننا شعب ابن كلب بيستحق الحرق ”
بتضايق و بحزن و بتفزع ان اعترف ان بعض المتعلمين عبارة عن جهلة ومتخلفين شكلهم شيك بيداروا جهلهم ورا بدله أو قميص وبنطلون وكام كلمه حفظهم من روايه سطحية …
واضيف كام سؤال كمان للي غايب وعيه عن كينونة الجماهير ..عيه عن كينونة الجماهير …لما انت شايف اننا شعب همجي ماحاولتش تصلح انت ليه وتكون مواطن منتج وفعال ؟!…لما انت شايف اننا شعب عبيد كاتم صوتك ليه ومابتفوقش الشعب ده وتعرفه انه لازم يكون سيد مش بس تصرخ ف وش نظام طاغي ..؟! طيب ليه انت عايش وسط شعب بكل الصفات دي ومستمتع اوي ..تفتكر انت مريض ؟! تفتكر بتتلذذ بالظلم والاستبداد ..؟؟!
عفوا اخي العبد انا اسفه على شدة لهجتي بس انت وافقت على مبدأ انك مش بتستجيب الا بالشدة لانك جزء من الشعب ده اللي محتاج لطاغية وضرب … وأنصحك تروح تعالج نفسك لانك اقريت انك بتحب العنف الموجه ليك وما ينفعش تبقا بني ادم وحبيت تكون حيوان …!بس اوعي تنسي ان الشعب ده هو اللي قام بثورتين ع طاغية مرة ورجعي مرة اخري ومستعد ان يفعلها للمرة الثالثة اذا لزم الأمر …!
