كلمات : خالد رسلان
حلمت حلم انما مالقيتلهوش تفسير
عن بنت حلوه ملكتها والوصف فيها كتير
وانا واقف اتملا ف وشها وشعرها اللى زى الحرير
نورها نور نجمه فى ليل وسط النجوم
دا الدنيا اتخلقت في 6 ايام ودى ليها منهم يوم
هى شعر ف حد ذاته هي نجم الشخص يمكن يلمحه مره ف حياته
وكأنى قال بقولها مكانك مش هنا دا في الجنه مع الحور
قالتى خد بالك من الحسد دا في القرأن مذكور
وانت اللي ليا هنا اخاف عليك وعلي عنيك السود
قلتلها خمسه وخميييييييسه ف عين كل حسود
وكنت محضر بدله وفستان ودبله وخاتم وعلبة ريحه من دهن العود
وقلت دى نصيبها منى ومكتوبه علي ايدي
و بنت الكاتعه مها غارت واليوم دا يوم عيدي
هطلب اديها من ابوها والفرح يبقي الخميس
ويومها ههمسلها في ودنها ليكي انا هكون عريس
ولقيت فجأه الم علي راسي من فوق
صحيت مفزوع واتاري امى جات من السوق
وبتضرب تصحينى انجز يابنى اصحى وفوق
بصيت شمال ويمين ادور عالقمر مالقيت
الخوف مسك جتتى ومن السرير نطيت
وعرفت انه كان حلم والحقيقه بس هى اللي دايمالى
مها وامها الكاتعه رجعو تانى ف دقيقه
بس القمر دى عمرها ما هتروح من خيالى
