الحامل بيكون سهل جداً يجيلها برد وده لأن مناعتها بتكون ضعيفة وأقل حاجة بتأثر فيها، بس المشكلة أن أدوية علاج البرد مش بتكون مفضلة أوي أثناء الحمل بس في طرق طبيعية ممكن تعملها الحامل تقلل كتير من البرد زي:
1- المشروبات الساخنة زي الشوربة والزنجبيل وكمان ممكن ليمون دافئ بالعسل؛ لأنه بيقوي جهاز المناعة وبيساعد على الشفاء من دورالبرد في أسرع وقت.
2- تهوية البيت باستمرار.
3- الغرغرة بالمياه والملح؛ لأنها بتساعد على تهدئة الحلق.
4- الحمام الساخن بيساعد على التخلص من احتقان الأنف والبلغم.
بس لو محصلش تحسن خلال يومين أو درجة الحرارة زادت عن 38، في الحالة دي بنوصف للحالة علاجات آمنة تقلل درجة الحرارة وتعالج البرد بدون تأثير سلبي على الجنين.
