انا والاستاذ
في حوار دار بيني وبين نفسي حول كتاباتي وكتابه بعض الشخصيات الاعلاميه حول اختيار موضوعاتنا التي تتناولها الاقلام وجدت تشابه كبير بين الأفكار ولكن يختلف الأسلوب دوما فلكل منا نكهته وجمهور ومذاقه الخاص ولكني توهت مني وملقتنيش طب عاوز اتكلم يعني انا دلوقتي اكلم مين نفسي مش طيقاني وخلعت خدت ديلي في سنانها وقالت يا فكيك حاولت اعرف اجابه اللي بدور عليه للاسف معرفتش قولت انزل اتمشي شويه رغم اني مش لاقي نفسي وكأني بحفظ الجمله احنا صح ولا لاء وفجاءة بيطلعلي الاستاذ وحيد السنباطي معرفش طلعلي مين لا انا معايه فانوس ادعكه ولا حتي قولت جزر بس يظهر أنه بيطلع لما تقول احنا صح ولا غلط ثلاث مرات واديني حذرت اهوة هيطلعلك من الحنفيه اللهم مابلغت اللهم فاشهد المهم بعد طبعا الاستاذ وحيد ما طلعلي فجاءة ونازل من السماء بجناحين لقيته بيضحك برضو معرفش ليه لا انا قولت نكته ولا حاجه بس يظهر أنهم فوق بيوزعوا حبوب انبساط اقولكم بقي الاستاذ طلعلي ليه واللي خايف يروح والحوار دة للي قلبه جامد وبلاش مرضي السكر والضغط عشان المشاهد الحوارية هتبوظهم وحيد / ايه ياهون ماشي تكلم نفسك ليه ياعم هاني/ وانتي يعني يا استاذ وحيد أما تنزلي من السماء كدة فجاءة مش هكلم نفسي وحيد / ياراجل مايبقاش قلبك ضعيف كدة اجمد هاني / اجمد ايه بريش النسر اللي انت لابسه دة انت بتشتي في الصيف ولا ايه وحيد/ ياراجل بقولك بتكلم نفسك ليه مالك انت ومال لبسي هاني/ ماهو يا استاذ وحيد انا مش عارفني وحيد / مش ايه يا اخويه هوة انا ناقصك هاني/ لامؤاخذة يا استاذ معلشي حقك عليه بس فعلا انا مش عارفني حاولت اعرف انا صح ولا لاء لقيت نفسي مش طيقاني زى ما فيه ناس كتير مش طايقه نفسها من حاجات كتير وحيد / يا جدع انت مجنون ولا بتستهبل ولا حكايتك ايه وايه اللي صح ولا غلط هاني/ طب أهدى يا استاذ كدة لحسن يجيلك شوجر وانت لسه صغير كدة وانت غالي علينا اسمحلي اقتبس جملتك الشهيرة بتعت من الاخر وحيد/ ياعم خدها وخلصني فهمني مالك عندى عملاء غيرك فوق هاني/ طب يا استاذ انا مش هعطلك من الاخر انا مش عارفني وحيد / نهار اسود ومنيل يابني دى عرفناها اللي بعدها هاني / من الاخر يعني احنا صح ولا غلط وحيد / احنا مين يابني انا مش من هنا يا حبيبي هاني/ اه لامؤاخذه ياريس هوة مش حضرتك كتبت عن الإعلاميين اللي مش اعلاميين وعن فوضي المهرجانات وحيد / اللهي تفضل مش عارفني يابعيد . اه ياسيدى مالها مش عجباك ولا ايه هاني / ازاي لاء دة انت استاذنا بس أنا برضو مش عارفني وحيد / يابني اخلص عندى اوردر فوق هاني / يعني استاذ وحيد بتوع فوق احسن مننا ولا ايه انت شكلك مش طايقني اساسا وحيد / انا فعلا ابتديت مش اطيقك بس فهمتي مالها المقالات هاني/ من الاخر وحيد/ ايوة هيه دى هاتلي من الاخر لموتك دلوقتي هاني/ من الاخر يعني احنا بنكتب وننتقد فيه حاجات بتتغير وفيه حاجات مش بتتغير و كأنك بتدن في مالطه وحيد/ وتدن في مالطه ليه ما بلدك أولي بيك مش فيه حاجات بتتغير يبقي احنا صح ولازم نفضل نكتب ونكتب لحد اخر نقطه في اقلامنا هاني/ طب وبعد الاقلام ما تخلص هنشترى ولا ايه تاني وحيد/ هنشترى طبعا ونكتب تاني هاني/ لا معلشي بقي مع نفسك يا استاذ انا مش معايه فلوس اشترى اقلام تاني هيه الصحافه بتاكل عيش وحيد/ يابني القلم دة رساله والصحافة رساله هاني / فيه ايه يا استاذ وحيد هوة انت عشان نازلي من السماء هتعملي فيها المهدى المنتظر وحيد / يابني افهم انت لازم تكتب اللي مؤمن بيه وبس هاني / ايوة مؤمن الحررراق عارفه بتاع الاهلي دة اللي بيطلع لسانه للزملكاويه صح وحيد / وبعدين بقي طب افهمهالك ازاي دى هاني/ طب يا استاذ وحيد انا عندى مشكله وحيد/ مشكله تاني غير اللي كنت بتكلم نفسك عشانها دى هاني/ ايه يا استاذ وحيد الكلام بيقع منك وانا متجوز مراتي تسمع الجمله تفكر اني بكلم نفسي عشان واحدة تانيه وانا بكلم نفسي منها اساسا وحيد/ يابني انت هترغي قولي مشكلتك وخلصني الراجل فوق نشف من السقعه هاني/ حاضر يا باشا من الاخر برضو وحيد / حلو ركز بقي هاني/ حاضر انا يا باشا لما بسمع مهرجانات بتجنن ومش عاوز اسمعها خالص وحيد/ طب ماتسمعهاش حد قالك شغلها هاني/ لاء يا استاذ انا مش بشغلها هما اللي بيشغلوها وحيد / مين يابني اللي بيشغلها خلصني انت مش شاحن ولا ايه هاني/ تاني الكلام بيقع منك اهوة بص انا مش عارفني وحيد / يابني انت جننتني بص يابني انا كنت بكتب قبل ما اشوفك بس بعد ما شوفتك خلاص انا بطلت الشغلانه دي هاني/ اااااااايه لا مينفعش تسبني وسط الطريق كدة انا ماصدقت لقيتك وحيد / يابني انت كنت ماشي لوحدك اساسا هاني / ايوة بس خلاص لقيتك ولازم نكمل الطريق مابعض وحيد/ لا ياسيدى انا خلاص بعد اما قابلتك بطلتها هاني / لاء مينفعش انت جااااي تتوب هنا لازم تجاوبني وحيد / طب أهدى يا حبيبي عاوز ايه عشان والله انا توهت ما عارف انت عاوز ايه هاني / من الاخر انا مش عارفني وحيد / حلو قوى امسك في دى انت عارفني طيب هاني / اه طبعا انت الاستاذ وحيد السنباطي بس أنا كنت مني لا دى ملامحي ولا الشكل شكلي ولادة انا وحيد/ ابص لروحي فاجاءة لقتني ندمت فجاءة وايه جابني هنااااا انت عاوز ايه يابني هاني / من الاخر احنا صح ولا غلط وحيد / احنا صح صح صح صح هاني / يا استاذ خد طيب مش هتعزمني علي حاجه وحيد/ صح صح صح
