اغنيه (بحلم)

لو كان عليه نفسي يوم
اخدك ونطلع للنجوم
وهناك تنسينى البشر
وهناك هانسيك الهموم
زى الملاك عاشقك انا
وإنت مكانك مش هنا
إنت اللى زيك حقه يوم
يعيش فى جنه فى السما
بحلم بيوم مش اى يوم
بحلم بيوم نكون سوا

الحب كلمه معناها فيك
والشعرا محتاره ف عنيك
وأخرهم لو يوم يوصفوك
يدوب حنان لمسه إيديك
دانت الملايكه لو شافوك
ياخدوك ومنى يخطفوك
وساعتها أعيش ازاى وليه
لو قدرو عنى يبعدوك
وساعتها أعيش ازاى وليه
وانا مش هاشوف بعدك هنا
بحلم بيوم مش اى يوم
بحلم بيوم نكون سوا