احدث ما كتب الشاعر الكبير صلاح فايز عن البرلمان الحالى

متابعه:نورجيهان

عايزين نشوف !!
عايزين نشوف ف البرلمان
نواب صحيح قامة وقيمة
عايزين نشوف .. نسمع بيان
حكومة .. مش زى القديمة
عايزين نشوف تغيير يبان
فى محليّات .. مش مستقيمة
عايزين نشوف صحّة وأمان
ونشوف معاملة تكون كريمة
عايزين نشوف تعليم زمان
واحسن كمان .. واخلاق قويمة
عايزين نشوف شبان مُتَان
أصحاب عقول واعية وعزيمة
عايزين نشوف نائبات كمان
حفيدات بنات .. نساء كريمة
عايزين نشوف قوانين يبان
أثرها .. مدروسة وسليمة
عايزين نشوف أبو اللسان
زِفِر دَهُه .. يبّطل شتيمة
عايزين نشوف البهلوان
أحسنله .. كُرْسى يكون فى سيما
عايزين نشوف ليها مكان
يليق بها .. مصر العظيمة