اسلام الهاشمي الحامدي .
اسلام الهاشمي الحامدي .
ومع كل طلعه شمس كان يطير يدور علي اكل و كان بيشتغل كتر و بيغني اكتر و اكتر وفي يوم حب عصفورة الجيران , كانت عصفوره جنان وصوتها حلو اوي كمان , وكان لازم عشان يتجوزها , يكون نفسه الاول ويبني بيت عصافير جنان , اعترف لها بحبه و هي قالت انها بتحبو كمان , فرح جدا وقالها من النهارده هشتغل اكتر واكتر وانتج اكتر , فقالتلو وانا هساعدك كمان , اصل الحياه كفاح مشترك هو قشه و هي قشه يبنو بيها العش الجنان عش الزوجيه.
وفي يوم اصفر ماطلعتلوش شمس قامت عاصفه ترابيه قوية , وبعد العاصفة الرملية تيجي الميه المستخبيه وراه السحاب عشان تلطف الجو اصل العاصفة بتنقل حبوب النواه من الشجر الذكر للشجر الانثي عشان يطرح فاكه و خضار طعمهم جنان , بس المشكله ان العش ادمر و ضاع مع العاصفة ومن المطره كمان .
زعل العصفور و غضب و قال : يعني تعبي كله راح بلاش , اشتغلت وتعبت و كله راح بلاش , وقفت جانبه العصفورة وشجعته و قالت : يمكن ربنا لية حكمه في كده , قول دائما الحمد لله علي الوحش قبل الحلو ,, دي الحياه تقتل الضعفاء قهرا , لازم تبقي قوي وتقاوم لحد اخر نفس ولا تستسلم ابدا للياس .
كلامها شجعو و اداله طاقه ونشاط و دور علي مكان يكون امان يبني فيه العش الجديد الجميل , وبناه كمان في مده زمنيه اقصر بكتير من الاول , وهي كمان سعدته وقالت : انت كده اكتسبت خبره و مهاره من التكرار و بعدت عن اخطاء الماضي , كده نقدر نعيش سوي في امان انت رجل يعتمد عليه .
اصل الدنياه كفاح وشغل وتعب والراحه في الجنه لازم كلنا نشتغل وننتج ونبقي اقوي من زمان , ولازم كل ماتقع تقوم وماتخليش حاجه تكسرك .
طار العصفور و العصفورة في اعلي مكان علي الشجرة تحت ضوء الشمس الجميل بعد ما بني هو وهي اكبر و اجمل عش للزوجية و قالها : شكرا ليكي انك وقفتي جنبي وساعدتني وهي قالت : شكرا ليك انك في حياتي , واتجوزو وعاشو في تبات و نبات و خلفو صبيان و كمان بنات …
و توتة توتة خلصت الحدوتة , حلوه ولا ملتوتة .
الحقيقة كما يجب ان تكون
© جميع الحقوق محفوظة
