كان يا مكان يا سادة يا كرام , كان فيه زمان خلية نحل كبيرة , وكان كمان في ملكه وليها مملكه كبيره , وكان في قانون كل النحل بيحترمه , الصغير قبل الكبير .
وفي يوم ياحبيبي يا حلوين , راجل غريب لابس كاب حب يغير القانون ويهد المملكه وقال كمان هيزرع ورد مكانها , اصله فلاح بن فلاح وبيحب الورد , بس مايعرفشي انا النحل بيتغزي علي الورد عشان ينتج العسل , وان كل واحد لية دور في دايرة الحياة الكبيرة .
خطط ونفذ وبالفعل دمر المملكه الكبيرة ومات النحل و منهم اللي طار بعيد , بس هو ماسبهوش وقتلوا وهو بعيد .
كبر ابن الفلاح ومشي علي خطه ابوه لحد مادمر دايرة الحياه الكبيره ودمر الحديقه .
وكان في اربع نحلات حبوا يرجعوا الخير للحديقه اتحدوا وقالوا هيغيروا الواقع , ولما النحل يطلب حاجه . فعلي القدر ان يستجيب .
وفعلا عملوا دوشكه كبيرة حوالين الراجل ابو كاب وابنه لحد ما هرب من الحديقة وبدأو يبنوا ويعمروا وعملوا مملكه جديدة وانتجوا العسل من تاني و الورد زهر في الجناين اللي فتحت في الحديقه .
لحد ماجه صاحب الراجل ابو كاب وقال للنحل انتوا صح وهو غلط وانا معاكم لحد مانعمر الحديقة , فرح النحل وصدق الراجل الجديد ابو كاب , وقال كمان بكره تشوفوا الحديقه دي هتكون ازاي .
صحي في يوم النحل لاقي الراجل ابو كاب باع الحديقه للاغراب و ادي اخرت اللي يصدق حد كذاب و بكاب , كان لازم النحل يعمل في صمت لحد ما يخالي الحديقه دي قد الدنيا , لان دي سنه الحياه كلنا نشتغل عشان نخالي الحديقه منتجه .
قام من تاني النحل واشتغل تاني وعمل مملكه جديده وقال احنا عيشين عشان نشتغل وننتج مش هنستني عطف من حد , بادينا نبني من تاني الجنينه ونرجع تاني كرامه النحل .
