اسلام الحامدي
كان يامكان يا سادة ياكرام , كان في زمان ( قطة في الشارع ) اسمها ( بس بس ناو ) وكلمه ( بس ) يعني ( قطة ) في اللغه الفرعونيه القديمة , المهم قطة الشارع كانت عيشه في حاره من شارع كبير , وكانت لسه والده اربع قطط صغيرين .
كانت بتروح بليل تجيب اكل من صناديق القمامة , عشان طول النهار قعده هي وولدها تحت عربية بسبب الحر وضوء الشمس بتستني بس الليل يجي عشان تخرج تجيب اكل و تاكل ولدها .
وفي يوم جه ولد شقي وقام ضربها بالطوبه وماتت .. وفضل يضحك هو وصحابه الاشقيه !
فضلوا القطط الصغيرين ينونوه جامد , ماما لسه مارجعتشي واحنا جعانيين ’ عملوا دوشه كبيره في المطقة , ومنهم قط صغير فضل يذحف لحد ماخرج من تحت العربية المركونه للشارع وداسته عربيه ومات , وفضل اخواته الثلاثه يعيطوا عليه ويصرخوا .
وكان في راجل كبير شاف كل الحكايه ( عم نادر صاحب محل الحلويات ) , وجاب الاطفال الاشقيه وفهمهم عشان هما لسه صغيرين فكرين ان القطة لعبه ’ مش عارفين انها بتاكل ولدها ولسه والده وقال : بلاش نضرب حيوان ضعيف , ارحموا من في الارض يرحمكك من في السماء .
بكي الاطفال الاشقيه ووعدوا عموا انهم مش هيضربوا اي قطة تاني في الشارع , وعرفوا كمان ان دي روح بتعيش وبتحس وليها اولاد وبيت واسرة , و من يومها الاطفال الاشقيه بطلوا شقاوه وخد كل واحد منهم قطه في بيته عشان يحميها وتسليه ويلعب معاها وكمان تقتل الفران لو دخلوا البيت ,, القطه صديق جميل وحارس للبيت .
توتا توتا خلصت الحدوته حلوه ولا ملتوته .
