بقلم / اسلام جاد الحامدي .
كان يامكان يا سادة يا كرام , كان فيه زمان كلب بلدي جميل اسمه ( امان ) وكان ده اسم اللي سماه لية , اطفال بيحبوا يلعبوا معاه عشان هو عارف الناس كلها وفي الليل بيحرص المكان كمان .
وفي يوم من الايام , نزل الحي ولد غريب عن الكلب يلعب مع الاطفال , الولد شاف الكلب وقف مكانه مرعوب منه اصله بيخاف من الكلاب, والكلب فضل واقف باصص عليه , لحد ما الطفل جري منه والكلب جري وراه , مش عارف ياحبيبي ان الكلب لو شافك بتجري هيجري وراك واكيد هو اسرع منك , هو فكرك بتلعب معاه .
جه بابا الطفل بسرعه مسك عصايا وكان هيضرب بيها الكلب , اتجمعوا الاطفال و قالوا : ياعموا احنا عرفين الكلب ده , وبيلعب معانا علطول وبيحرص المكان بالليل .
قال بابا للاطفال , كلب خطر علي الانسان , اكيد كلب سعران !
قالوا الاطفال : لا يا عموا حضرتك , ده الكلب امان اسمه كده , بيلعب معانا وبيحرص المكان كمان , الكلب البلدي ذكي جدا يا عموا , وحضرتك ممكن تربيه من صغره وتكسب فيه ثواب .
فضل الطفل و بابا مرعوبين من الكلب وقالوا لا ! لازم نبلغ عنه او ترموا في اي مكان !
وفي يوم كان القمر وراه السحاب وراجعه بليل ماما ام ااطفل الخواف اللي بيخاف من الكلاب , جه اتنين شباب خطفوا منها شنطتها من علي ( ال موت – توسكل ) وفضلت تصرخ ماحدش نجدها الا , الا الكلب امان جري وراء الشباب لحد ماوقعوا من علي المتوسكل و مسك بسنانه شنطه ماما فالشباب خافوا وسابوا الشنطه للكلب ( امان ) وطلعوا يجروا منه .
ومن يومها بابا و ماما والطفل اللي مش خواف عرفوا قيمه الكلب البلدي, الكلب امان .
توتة توتة خلصت الحدوتة , حلوة ولا ملتوتة .
قالوا الاطفال : لا يا عموا حضرتك , ده الكلب امان اسمه كده , بيلعب معانا وبيحرص المكان كمان , الكلب البلدي ذكي جدا يا عموا , وحضرتك ممكن تربيه من صغره وتكسب فيه ثواب .
