شعر : منال راتب
اسكت يا قلبي عمال تغني لية
هدارى حبي ولا ناوى تقول عليه
حبيته عارفة والحنان شفته في عنيه
خايفة يا قلبي الحب كبير عليك
ياريتك تخبي لا الحب يبان عليك
ولا اكنش نايمة وفي حلم حلو جميل
شفتك حبيبي والقلب حن ليك
كلمة حبيبتي عاجبني اوى لحنها
وحبتها اكتر لما انت جيت قولتها
بحبك يا عمرى والقلب ليك اهو مال
وحياتي انت خلتها احلي خيال
الحب ايه غير كلمة بين قلبين
ومعاك انت وحدك حسيته بالاتنين
بقلبي وعنيا وحياتي ملك ايديك
يا فرحة زماني من بعد كتير عذاب
نسيني قبلك اد ايه من عمرى غاب
بقولها وهقولها بحبك اة بحبك
مهما قلبي في حبك داب
