إستغاثة من مواطنة مصرية بحي الزاوية الحمراء بمحافظ القاهرة تم إزالة كشك لها ولم تخالف القانون
هذه شكوي المواطنة المصرية لمحافظ القاهرة ولكل من له رحمه بالغلابه
نجلاء احمد غندور
بعثت للعالم الحر
الجنينه دى كانت مهجوره شبه غابه كانت وقر للحرمية والسرقات والشباب يتعاطون فيها المخدرات حقن مكس بدخلها واخر حدثه حصلت فيها اغتصاب بنت وقتلها عندها ١٤سنه وكل هذا الكلام بشهادة من كل الجيران اللى حوالين المكان وممكن اى حد ينزل يعمل حديث معاهم المهم انا واخواتى نورنا الجنينه وفضلنا نحرسها شهر تقريبآ لغيت لم جتلنا فكره ان احنا نحط فيها كراسي ونعمل مشاريب ونرزق من خلالها ونحافظ على اهلينا ونشغل المكان وفعلآ عملنا كده بقلنا ٧سنين وقدمنا ورق علشان نحاول يكون لينا حق انتفاع علشان ندفع فلوس شهريه يعنى فى كل مكان الحى والنظافة والتجميل مع العلم ان المكان ده تابع للنظافه والتجميل طلبو مننا نعمل مزاد وفعلآ دفعنا تأمين ونزل فى الجرايد معاد المزاد لغيت لم اتفجئنا يوم المزاد ان فى شخص مخصص انه يأخد الاماكن اللى زاى كده وكل الموظفيين عرفينهذا الشخص وطبعآ له اليد القوية واحنا ناس على اد حالنا غلابه لا سند ولا ظهر لينا مش هنقدر ندفع مثلما يدفع هو ولم عرفنا ان المكان هياخدو واحد غريب أهل المنطقة كلهم كانو معانا كان فى حدود ١٥٠فرد تجمهرو ورفضو وتم وقف المزاد ومدير امن الماكان امر بوقف المزاد ويبقي الحال كما هو عليه الكلام ده من خمس سنين دلوقتى فى موظف فى الحى بيننا وبينه عداوه ومشاكل وعامل خصومه بينا لان بيأخد رشوه واحنا طبعآ بنرفض نتعامل بهذا الإسلوب وكمان احنا ناس غلابه هندفع منين اصلا . استغل الحمله اللى حدثت على إزالة الإشغالات في
ودخل البلدوز وهد لنا مصدر الرزق والحماية و كل حاجه وطبعآ كان فى عربيات مصفحه وأمن مركزى لانهم كانو عملين حمله على المنطقة كلها مع العلم ان فى اماكن كتير مثلنا واكثر ومحدش احتك بيهم وطبعآ عملو حصار لان المنطقه كلها وقفه معنا لاننا غلابه وكمان نجعل المكان منور ونحمي البنات ونطهر المكان من متعاطي المخدرات والشباب العاطل .. هذه شكوي من المواطنة .نجلاء احمد غندور صاحبة الكشك الذي تم إزالته ترجو من الجميع ان يساعدها في رجوع الكشك لها وتدفع ما ينص عليه القانون هي لم تخالف القانون منذ 7سنوات وهذا الكشك مصدر الرزق الوحيد لها ولكل عائلتها
إستغاثة من مواطنة مصرية بحي الزاوية الحمراء بمحافظ القاهرة تم إزالة كشك لها ولم تخالف القانون
الأم وأهالي المنطقة يتوسلون لبقاء لقمة العيش لهم
الجنيه بعدما تم ازالة كشك الغلابه وحماية المنطقة من اغتصاب البنات والمخدرات هذا هو التطهير ظلام في ظلام
