إتعلم

لكن اكبر عقبه بتقابل اي انسان بيتعلم هو الزمن اللي هياخده وهو بيتعلم وان كل ما طالت المده كل ما حكم علي نفسه بالفشل وعدم الانجاز، بالرغم ان العلم في حد ذاته نعمه ونور وحياه وان بدل ما اصوت طول الطريق محتاج استمتع بالرحله. واحس بشرف المحاوله.

فيه ناس بعد ما بتاخد الكليه بتبطل تتعلم اي حاجه وكل حاجه، ولما تشتغل متاخدتش كورسات ولا تطور اداها.
ولما يتجوزوا بيبقوا فاكرين ان الحياه الزوجيه مش محتاجه تعليم وكورسات لفهم الطرف الاخر والتعلم عن فن ادارة العلاقات. وبنشوفهم كتييييير في محكمة الاسره بعد فتره بسيطه من الجواز. كانهم ركبوا المركب بس متعلموش يجدفوا ولا اتعلموا يعوموا.

ونيجي للطامة الكبري، لما بعض الناس تفكر تخلف اولاد ومش عارفين يتعملوا مع فطرتهم الجميله، يفضلوا يشوهوا ويبهدلوه اطفالهم من غير ما يحاولوا لما بقينا نشوف اكتئاب وانتحار وادمان في اطفال سنها صغير جدا.

محتاجين لو هنكمل حياتنا نجدد نية التعليييييم
نجدد نية الحياه بمحاولات شريفه حقيقيه تجاه تعلم تقنيات واساليب تجعلنا نرتقي بشكل افضل ونشعر ببعضنا ببعض بشكل اعمق ونتواصل مع الله ومع ارواحنا ومع الجميع بشكل اصدق واعلي.

كل ما بقرأ في سيرة العظماء والمخترعين اجد انهم كانوا لاخر يوم من حياتهم بيتعلموا ويعلموا باللي اتعلموه ويضيفوا من ارواحهم عليه ويسلموه لغيرهم.

العلم حيااااااة للحياه
اتعلم مهما كان عمرك.
اتعلم مهما كانت مسئولياتك.
اتعلم مهما علي شأنك.
اتعلم حتي لو طال الزمن.
اتعلم تتعلم وتصبر علي العلم.
اتعلم ودوووق بركة العلم ونوره.
اتعلم كل يوم حاجه جديده
طريقه جديده، طبخه جديده، لغه جديده
قراءه جديده. مشاعر جديده ، افكاااار جديده
معتقدات جديده، سلوكيات جديده، علاقات حقيقيه.

انت هو انت
عندك كل مقومات النجاح وعندك بردوا كل مقومات الفشل. انت اللي بتتعلم وانت اللي بتختار.
فكلما إنطفا نور مصباحك انره بقلبك وعقلك وشغف وفضول المعلوماااات الجديده.

فاول ما فعله سيدنا ادم كان التعلم وكان هذا سببا لتكريمه وعلوه علي الملائكه.

يا سبحان الله
وعلم الانسان مالم يعلم

صباح العلم والحياة
#دأسماءعبدالوهاب