كتبت/ ولاء حسن
من يومين فاتوا
كان عندي عشرين
وأوام بقيت تلاتين
والعشرة راحوا فين
عدوا في غمضة عين
مالها أيامنا
بتجري أدامنا
وع النهاية مستعجلة
عاملة علينا مستهبلة
طب بالراحة شوية
علي مهلك علية
يمكن يروح الهم
أنسي في يوم الغم
وأحب زي الناس
وأغير الأحساس
وأعيش في حالة حب
وأقول بقالي قلب
ويجيلي كام دبدوب
علي حبة قلوب
واسهر علي صوت حبيبي
ويقولي انتي نصيبي
ونبني سوا بيتنا
ونحكي حكايتنا
لوﻻدنا وبناتنا
