أنا المواطن اللى إتنسي
واللى من الحكومه إتشل
فى عزبه أبوهم أنا
وأنا كل يوم بتذل
عايش كماله عدد
مستنى يوم المدد
مستنى صرخه ولد
لما القيود تتحل
أنا اللى ميت حى
مستنى يوم الضى
شايف فسادهم علن
ساكت وبشرب خل
وأنا اللى متمرمط
ف بلادى متشحطط
وبلادى ع الأجنبى
وقت المطر خايفه
هدومه لو تتبل
وأنا اللى متغرب
مغصوب عشان لقمتى
ماخترتش فى مره طريق
ماختارتش كمان غربتى
جاوبتنى لما سالتها
لماذا وكيف وهل
قالتلى الباشا وولاده
دول هما الكل فى الكل
إبن الباشا ضاع كلبه عمل غاره
كلب وقلب كيان كل الوزاره
وماحدش سال فى مريض
فقير وتعبان وعنده السل
بصراحه حالك يابلادى كله
دا أصبح حقيقى يعل
