أحمد فتحى رزق يكتب , مولد سيدى القٌرفان

عيد ورا عيد وكل عيد وكلة طيب ,طبعا موش فارق معاك زيادة أسعار ولا  فساد ولا إرهاب و لا حتى عين أعيان السلفية .

 قيمة مضافة على فاتورة نضافة , ولا يهمك

محدش فاهم ولا حد حاسب .

مجلس نوام على كام هتيف مع نخبة مستعرضة

ولا يهمك .

خلينا فى الأهم سيدى .

المؤامرة داخلية , منا فينا , خليك حكيم وبلاها تسلية .

نزلت سوق الحمير مالقيت غير حمارى

قاعد متسلطن كييييييف , وبيقرا أشعارى

كلمة واحدة , ما فهمتها منة

ياريت ياسيدى تشوفلك ميغا من تانى

وعوضى عليك يابلد , الكل واكل عيشك

ولما تيجى تتحاسب يقولك : أبوك غلطان , لية طلعت من كيسة ؟

كل السبايك دهب والباقى محاريسك

طب عيب عليكى يابلد , ما الكل محابيسك .

هية موتة ولا أكتر , ولا ثورة نافعة , ولا غندرة

عيب عليكى يابلد , ما تفكى متاريسك .

قالوا نبنى وطن , ورجعنا من تانى

دة الفقير ف البلد , مالوش عتب تانى

وعيب عليكى يابلد خرجتى أحزانى .

غريب وتد غرقان ف دهاليزك

وعيب عليك يابلد ,  مفيش مفيش أمان فيكى .

سعرانيين , طالعين نازلين , هبش وتستيف

تقولشى بيت أبوهم وبيجمعوا التعابين

عيب عليكى يا بلد , خرجت من توبى .

ولادك , مهجورين وهجرانين , لفوا كل البلاد ورجعوا من تانى ,

ما أهو عيب عليكى يابلد , جهزت أكفانى .

هرمك ونيلك وذهبك وأرضك , مشاع للكل من تانى .

ما أهو عيب عليكى يابلد

نفسى أرجع لحضنك وأتمرغ فى ترابك  تانى .