شعر : إيناس زيدان صاحى و قاعد عمال تحلم بـتـفـكـر دايـمـاً فـى الـجـاى حـالـف أبداً مـا هـتـسـتـسـلم
و هـتـحـقـق حـلـمـك إزاى ؟!
راح هـتـخـطـط و هـتـتـعـلـم
و بـتـحـلم عـلـى عـزف النـاى
أيوة راح أوصل و أكون متقدم
همسك حلمى يوم مـا عـسـاى
نـايـم تــحـلـم صاحـى بـتـحـلم
عـايـز تـعـمـل مـش رغـــاى
أحلام يقظة و الناس وعظة
قـسم وقتك يـا بنى و نـظـم
و أبدأ يومك و أشـرب شاى
و قول بسم الله و خطط علم
حــدد هـدفـك و أبـدأ قــيـم
و لـمـا تـوقـع إيـاك تـتـألم
كمل مـا توقـف و تقول أى
لاجل ما حلمك يوم يـتحقـق
خـلـيـك واثـق فيه يـتـصدق
خـلـيـك دايماً عايش لـيـه
لاجل ما فعلاً يوم تلاقيه
طايله بإيدك بقى مـتـحـقق
و اللى يقولك مش راح تقدر
إنت يـادوب بـس بـتـتـكـلـم
قوله أنـا هـقـدر أصلى بـفكـر
إزاى يحصل صباحى و مساى
و أيوة أنا هعمل علشان ما أندم
و هـقـول للإحـبـاط بـاى بـاى
سـيـبـك من الـكلـمـات الـفـظة
و فعلاً قـوم كـده يـلا و ركز
إنت بـتـحـلـم مـش بـتـنـفـذ
كـل ده لـسة أحـلام يـقـظـة
