بقلم : خالد الترامسي
دا إحنا شكلنا بقي بايخ وعِرَة ومسخة وشرفنطح وفربنطخ لطوب الأرض طيب ماشي يا أخي أنتي وهو وهي ، هنفترض إن صنافير وثيران أرضا سعودية ، إللي هما مكنوش قادرين يحموها لما كان كل إللي حِليتْهُم كام معزة وكام جِدْي ، واللي هما أساسا معندهمش سنارة يصطادوا بيها مش هنقول فلوكة ولا مركب ٢ متر *٢ متر ، دا الكلام ده زمان وإللي أساسا لم تطأ أقدام رعاة المعيز هذه الأرض علي الإطلاق التي مات فيها خيرة شباب مصر مدافعين عنها وعن عزتها وكرامتها وسيادتها ، يبقي إزاي ليهم تاريخ سيادي علي تلك الأرض ، هو مش المفروض حد في الماضي من السعوديين علي الأقل يعمل زي عم فؤاد المهندس الله يرحمه ويقول دي وضع يد ولا مش وضع يد ، ده أبسط الأمور ، بالمنطق والفقاقة وبدون منتعب أذهانا وبطونا ويجلنا إسهال وكوليرا ومعيز، دا رعاة البقر في أمريكا ” ال cow boy” إللي هما كانوا بيركبوا البحر وحطوا إيدهم عليها دلوقتي مبقاش لهم تاريخ يذكر وجه البيض وسيطروا إللي هما بالأساس مش أصحاب حق .
سيبونا من كل ده ولغة المنطق والسفسطة إللي ملهاش لازمة ، وهنفترض إن الجزيرتين متنازع عليهم وإن السعودية لها الحق عليهما بنسبة مليون بالمائة ، طيب نلاعبهم شوية نقطع نفسهم ، مش نهشكهم ونبشتكهم ويا أم المطاهر رشي الملح ١٤ مرة ٧ لصنافير و٧ لثيران .
طيب نخلي في منازعة تحكيم علي الأقل يبقي شكلنا متظبط شوية ، إللي في الأساس إن لو حصل ده ومن غير ميتحط مستندات وتتفِرِد الخريطة بتاعة منطقة النزاع هيئة المحكمة أكيد وبالإجماع هتِصْدُر صوت لهجة إحنا عرفينها هنا في مصر وعلي علم مش هنتعب الخواجة بيجوا دي بتتكتب وبكل اللغات هيشخو،،،،،، وبالإنجليزي والفرنساوي youchkhor وهتبقي باينة قوي في اللغة الألمانية كل ما في الأمر نجيب واد مصري مِخَلَصْ من الدويقة يعلمهم كيفية إخراج المقطع الصوتي ل الشخ،،،،ة .
مش كان الأولي نعمل كدة ، حتي لوطلعت المحكمة معندهاش دم وكانت متظبطة بكام طاجن كَبْسَة بلحم المعيز اللي السعودية مشهورة بيه ، يبقي ساعتها رمينا الحِمل علي المحكمة ونبقي بكراميتنا ولا الناس تزعل ولا حاجة ويرضوا بالأمر الواقع ، ولا نجيب سيرة خيانة وبدنجان ، وعادي كنا نتفق برضوا معاهم قضية كدة وكدة أُدَام الناس عشان نحفظ ماء الوجه ، والناس تتقبل الموضوع بصدر رحب ، ويعدي الموضوع ونسلم لهم الجزيرتين وبالهنا والشفا بس علي الله إنهم يعرفوا يحموها .
المهم سيبونا من كل ده برضو إحنا عندنا إعلام ما شاء الله عليه معرضها أزيد من اللازم وبيبرروا الموضوع أكن مصر خلاص بنت تيت ومش صاحبة حق ، وبيدافعوا عن المكتسب وليس الحق السعودي بشيئ من الإستماتة ، هو يا تري أكلوا كبسة معيز ، طيب دوقونا يمكن نغير رأينا ولا هي جت علينا ، وأظن أنتوا شايفين طريقة صياغتي للحوار ، هتراجع ٣٦٠ درجة ، ويمكن أثبت ليكوا بما لا يدع مجالا للشك إن مصر من أقصي شرقها إلي أقصي غربها ومن أقصي الشمال إلي أقصي الجنوب ملكية خالصة للمملكة ، بس يلي عليكوا بالكبسة بس أهم حاجة زودوا لي المكسرات ، وعاوز معزة لوحدي .
