وسام خاطر تكتب للعالم الحر ( شاورما يا بيه .. فتة يا هانم ) .. لأ لأ … حرااام ..

كده كتيييييييييييييير مش معقولة طب ينفع كده طول الوقت. طب وبعدين؟!
هو ليه بطلنا نجهز فطار وغداء وعشاء في البيت؟ ليه كله بقي جاهز من بره.؟ علي فكرة مالوش طعم وكله بهارات وتوابل واكيد مهما كان طعمه لذيذ مش بنفس طعامة الاكل البيتي. طب انتم ضامنين اللي بيجهز الاكل ده نظيف ولا لا مريض ولا لا. ولا اللي بيقدمه. وياتري الاطباق والكوبيات اللي بناكل فيها بره مغسوله ازاي وبأيه؟ بجد لو فكارنا هانكره نفسنا ايه القرف اللي بنعمله في جسمنا ده. عمالين ندخل جسمنا سموم دهون ماشي توابل مايضرش عدم نظافة وماله ونيجي في الاخر ونقول أي معدتي لالا قصدي القولون وياريت تيجي علي قد المعدة والقولون. لا في ناس ياسادة بتموت من الاكل ده واللي بيجيلوا انسداد في الشرايين نتيجة الزيوت النباتية واللي بيحصل تسمم وكمان امراض الكبد الاكل بره اساس فيها لان اكيد لو حد مريض وشمال في مطعم ? وايده اتجرحت هاينقل المرض للي بياكل من غير مايقصد والتاني من غير ما يحس. في بقي اللي هايقولي اصل مفيش وقت مراتي بتشتغل ارد اقول لما ترجع تجهز اكلها لتاني يوم زي امهاتنا ما كانوا بيعملوا. او حضرتك مشكور تساعدها وعلي فكره في الاصل انت بتساعد نفسك وبتحميها. طب تعالي نحسبها شوف انت لو عملت غدا في البيت هاتكلفه كام ولو اكلت نفس الغداء في مطعم ? هاتكلفه كام يعني كمان هاتوفروا. بلاش صحتنا تهون علينا لان لو ضاعت صعب ترجع واحنا الوحيدين اللي هانتعب. تعالوا نصحح شوية من سلوكيات حياتنا اليومية نطرد كل سئ ونستدعي كل جميل. تعالوا نلون بيوتنا بألوان الصحة. ليه اختفت الخضروات من ثلاجات بيوتنا؟ ليه مفيش حد بياكل سلطة يومياً في بيته. ونرجع ونقول وزننا زاد وفلوسنا ضاعت ومش عارفين نحوش ولا نشتري حاجة جديدة او نشيل حاجة للزمن. ماهو يافندم طول الاسبوع عمال تصرف في فلوسك علي المطاعم وانتي كمان مطيرة مرتبك علي العزومات. ممكن نخلي الكافيهات والمطاعم يوم الاجازة. يوم في الاسبوع او كل شهر مرة . واخرجوا في اماكن تانية اتمشوا هو خلاص بقت فسحتنا القعدة في المطاعم والكافيهات. كلمة غريبة بقت علي لسانا كلنا لما حد يقول تعالوا نخرج تحبوا ناكل ايه يعني بقي خروجنا وفسحتنا كلها اكل. شاورما يابيه فاته يا هانم واحد برجر يا قلبوظة انت يا قمر طبق سي فود بالمكرونة يا انسة. ايه بقي هانفضل كده كتير بنضيع في صحتنا وفلوسنا. حافظوا علي النعم اللي ملهاش بديل.

رأيك يهمنا

عن احمد فتحي رزق

احمد فتحي رزق
المشرف العام

شاهد أيضاً

مبادرة القراءة للجميع

ب / اسلام الهاشمي الحامدي رأيك يهمنا