شعر :عبدالمجيد سلطان الحكايه مش حكاية دين ودفاع عن الإسلام الحكايه حكاية كرسى والكل فيه عشمان من ٣٠ سنه ومصر مسجونه قمنا عملنا ثوره وكانت منصوره راح فيها الجدع والعجوز والصبيه قولنا فداكى يا بلدى وتعيشى حره أبيه بس الكرسى دوار ميقعدش عليه إلا الشطار وجالنا الشاطر وجالنا بديع ومعاهم مرسى لأوامرهم بيطيع قالو نحمل الخير للمصريين إحنا ناس بتصلى وعايزين ننصر الدين ويدوبك سنه فى الحكم والشعب شاف الويل مش لاقى ميه ولا نور ولا الأمان فى الليل هاج الشعب وثار تانى وقال كفايه يا إخوانى هما أهلك وعشيرتك وإحنا من بلد تانى الكل إتمرد الكل ثار ٦/٣٠ ثورة أحرار وجيش بلدى والقائد العظيم حمى الثوره وحمى المصريين ماهو من خير أجناد الأرض وعلى بلده أمين ودى شهادة سيدنا النبى محمد أشرف المرسلين يعنى الحكايه مش حكاية دين ودفاع عن الإسلام الحكايه حكاية كرسى والكل فيه طمعان
