بعوده يا رمضان

بعوده يا رمضان
شعر/عبدالمجيد سلطان
بعوده يا رمضان
يلى الفرحه فيك مبقتش زى زمان
بعوده على العرب إل الدم عندهم فى كل مكان
بعوده ع المحبه والموده إل إختفت من الإنسان
بعوده على كل ندل بايع بلده ومسمى نفسه إخوان
بعوده على الغريب عن أرض وطنه وبقى بيتوه فى العنوان
بعوده على كل حبيب كان معانا ودلوقتى بقى بين إيدين الرحمن
سامحنى يا رمضان مش قادر أفرح بيك زى ما كنت صغير
كل ما عمرى يزيد بقيت بشوف من الدنيا حجات تحير
بقعد مع نفسى أفتكر لما كنت بتيجى من سنين
لمت عيله وتعليق زينه ومسحراتى يقول إصحو يا نايمين
بعوده رجوعك يا رمضان على كل المصريين
إل عايشين فى حضنها وإل عنها متغربيين

رأيك يهمنا

عن admin

admin
المشرف العام على موقع العالم الحر

شاهد أيضاً

بدء برنامج التدريب الميداني لعام 2022 – 2023 لمنطقة الآثار الأسلامية و القبطية بسوهاج

رأيك يهمنا